Lewitikas 26:43 - Nobonob Baibel

⁴³ Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul.

Lewitikas 26:43 Referans Kwoze

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Lewitikas 26:15

ag dahil ɗo iɗu iɗu uun, ɗo amunu oolagppa ena iinab dooglag dayeb, ag dahil nai haknunab attem amu dim ii lamidna amu, ag nug tituana nai qakkak am tippalkkulag. Ag keeke amu hekkulag dayeb amu,

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Daniel 9:14

Ig amu hemut amunu na, Yawe, na heppe, uug naunab ihinigppa bekkunu ii uume. Aɗinu? Na, na am Yawe, ihinig Kayak, na am tutukkuib daattem. Na aɗi hettem, amu ele am genab tutukkuib. Ig na oɗen ii dim lamidmut, ⌊amunu na tutukku henana, bu mekkame⌋.

Jeremaia 31:19

O Kayak, ig na uuidta oimut, amge ig anam oiut, ⌊na bu mekke,⌋ ig oonig eɗuom. Ao, na he, ig eheɗ hemut oonig maitte, ig uɗa nak eheɗ doomut. Ig nid bau daatta, ig kobol uɗa nak nau guittak ele heut uɗiom amunu, ig uɗa nak nau doomut.’ Israel danab ah ag anam appig doomi.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

Sam 119:75

O Yawe, da imu doottem. Na laa bu medakkutnu henana, na genab tutukku hak kobol dim lamidna hettem. Anam bia amu, na oo metta ii uuak kobol dim lamidna, na da bu meɗame.

Sam 119:71

Da nahip ɗo doye aute awen dabmedakkulnu amu, guittak na meɗame, guittak amuam ehaniɗom; dahilnu am ena.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

2 Stori 33:12

Ag aon gona meeg dayaya, uug nau doya, nug Yawe, nuhig Kayak amu, nug Nug noobppa nug nukka nug onig qe naknab he, nug Kayak, nug mamekkud aɗi dilag Kayak Nug nuhignu ii helo bia me, Nug ehanidkkunu unuqittom.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Lewitikas 26:11

Da geha ag oolagppa dayeye, ahilagnu nau ii doopa.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.