Lewitikas 26:42 - Nobonob Baibel

⁴² da geha nug tituana nai qakkak Jakop, Aisak amu Abraham ele hak amunu dabmeinne, wannu ele dabmekkul.

Lewitikas 26:42 Referans Kwoze

Esekiel 16:60

Na anam heme, amge haen na ah bau daame, haen amuppa da hei, i nug tituanɗa nai qakkamuɗ amu, da ihinih nug tituana nai qakkak amu daul ii atima. Da amu daul ii atieb, da heppi, i baula nug tituanɗa nai qakkanih, amu nai qakkak amuam hanhan daakku.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Eksodas 6:5

⌊Anam, amge⌋ gemu Israel ag Isip wanppa daaegeg, Isip ag heeg, ag maɗi nid maɗi ah ele daan gaaegeg, da Israel, ahilag gayak doomi, gemu ele doottem. Ag gaaegeg doyeye amu, da dahil nug tituana nai qakkak, da ag memetalkad anukkanu ele hemut amu, tituanak amu da daulppa doum daatte.

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Joel 2:18

Ag anam heppeg, Yawe Nug wan nuhignu, dahil doya laa aomanu doyak aɗa daya, Nug nuhikkud danab ah dilagnu oo gai-iitta doya oo matta ehanadkku.

Sam 136:23

⌊Ig Yawe,⌋ Nug danab ag ihinignu dabmak atognoak ii aon, eheɗ dooikkegeg, ig Nug daugppa doum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Duteronomi 4:31

Yawe, ahilag Kayak, Nug ag ehanadkku diig am, Nug am danab ah dilagnu oo gai-iitta doya oo matta ehanadtte. Nug ag ii uuadma; Nug ag ii hatteb nauhmana; Nug he, Nug ag mamelkad aɗi ele nug tituana nai qakkak heppig, Nug nug tituana nai qakkak amunu nai genab bekkunu nai ɠagattag qetta aum amu, Nug amu daug ii atima.

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 9:16

Deɗ laala da di apinak lombigppa neeb anttena, da dahil nug tituana nai qakkak nai hanhannu, da Kayak, da, amu wanppan keeke oh bau daatteb ele, ig hemut amu, nai amuam da daulppa dokku,” awa aum.

Genesis 9:15

nug tituana nai qakkak nai dahil am da daulppa dokku. Nug tituana nai qakkak amuam na, aɗi laa ele iɗu iɗu oh wanppa bauklel daatteb, am ag oh ahilagnu daatte, amu nai amuam da baula le hiɗppa keeke oh bau ele amu ii aqapa.

Genesis 26:2

Nug Gerar dayeye amu, Yawe nug Aisak gumitta na, amegppa aum. “Na Isip aib gome. Da na wan adeppa daakkutnu appi amu, na amuppa daakkut.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 35:12

Wan imu da anukka Abraham, Aisak ele matami amu, da gemu na, amu na buɗunadppa ele madattem,” awa aum.

Ikki Danab 2:1

Amu Yawenu engel nug Gilgalnu aha, Bokim ta, nug Israel danab ah amelagppa aum. “Da ag Isipnu diie, wan imu, da ag mamelkad aɗi madakkulnu dahil nai ɠagattag qetten ami amu, da amuppa uɗimi. Da ami. ‘Da geha ag ele nug tituana nai qakkak hemi amu, da iinab tippalpa.

Esta 4:14

Aɗinu? Haen inamppa na oɗen qamutna daappe amu, laa nug geha heeb, laa nug Juda ehanatteb, ag oh ii mauhmana, amge na, na mamen baekkudppa ele, ag geha mauhkkulag. Am laa ii dootte, amge na haen imuppa king laugppa daattemnu diig am, na ig Juda ehanigkkutnu anam bemetai,” awa aum.

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Duteronomi 9:27

Danab ah imu ag na oɗen dim lamidmananu dabmak ahilag ɠagattag eppom dayeye, hipunin, nau hak ele hetteb, amge na amu dab-ii-memananu oɗ medattem. Na dabmak baolin, nahip maɗi nid Abraham, Aisak, Jakop ele, na hee, na ag ele nug tituanna nai qagappig amu, na nai amu dabmekkutnu oɗ medattem.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.