Lewitikas 26:39 - Nobonob Baibel

³⁹ Am laa ag kekeɗ wanelagppa gona, diia ukkak danab ah daaglag amu, ag diia ukka laih me dayak danab ah daanna mauhadkkulag. Ag mauhkkulagnu diig am, ag, ag mamelkad aɗi ele ag hipunin heppig.

Lewitikas 26:39 Referans Kwoze

Esekiel 33:10

Aria, Yawe Nug anam awowa, Nug nai tuɗitta aum. “Danab bekka, na Israel danab ah amelagppa inam appe doyeg! ‘O Israel danab ah, ag inam atteb. “Ihinig hipunin, ihinig eheɗ hak kobol ele uug nau megatteb amunu, ig ebehinig tette. Ig ib attenppa eɗut bau daagnig?” aon atteb.’

Esekiel 24:23

Ag igippan lamen ii uɗamna, baeg gaɗa ele ii uɗamna. Ag mahiak, gayak ele ii hemana. Ag amu oh ii hemana, amge ag hipunin heppig amunu, ag ebehilag teeb, ag baalagppaib qinonob aiqakkak hekkulag.’ ” Yawe Nug anam aum.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Duteronomi 28:65

Wanppan wan anen anenppa amu, appa ag oolagppa ag aben ena, maɗoɗppa dayaknu laa ii anidmana. Yawe Nug heeb, ag eheɗ naunab baɗaglag. Ag eɗun aabppa uɗiglagnu oolag huannab hekku, me ag uɗiglagnu elele iitta daaglag. Ag, “Ig am eɗut ena ii daamta,” aakkuib dabmekkulag.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Sekaraia 10:9

Da hei, ag haɗag ulah diie, laih laih gotteb bia wan atu laih laih matatun gona daatteb, amge appa ag dahilnu dabmekkulag. Ao, ag, amu ahilkad nid ele ag bau daanna, ag eɗun, ippa, Israel wanppa uɗin daaglag.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Esekiel 36:31

Ag anam enaib daanna, ag tatam kobol eheɗ, kobol nau ele heppig dabmenana, ag akka ahilagnu ag hipunin heppig, kobol digdig, da kobol amunu oolppa uuaknab doottem, ag kobol amu ele heppig amu, ag amu oh heppignu akka ahilagnu oolagppa uuaknab dooglag.

Esekiel 20:43

Ag amuppa daanna, ag ahilag hak nau, ahilag oiyak eheɗ ele, ag kobol amu heeg, amuppa ag oolagppa dubuttid teum daatte amu, ag amu dabmena, ag akka ag ahilag eheɗ hak amunu ag ahilagnu ag nau gahag bak ele dooglag.

Esekiel 18:19

Anam, amge ag oɗmak hetteb. ‘Aɗinu danab amu bekka nug mameg hipunin heum, beɗuppa aab ele amu, aɗinu bekka nug beɗuppa aab ele iitta?’ aon atteb. Ag anam oɗmak hetteb, amge bekka nug nai doya mala hettoɗia epeɗia elele mettak kobol dim lamitta heum. Nug kobol genab tutukku ele dim lamittom. Nug dahil ɗo nai dim lamidkkunu dabmak awawa oiyom amunu, nug genab bau daakku; nug ii mauhma.

Gayak Nai 4:9

Laa ag kekeɗ daan ban heegeg, qep elabppa mauhppig amu, ahilagnu am ena; laa enugnu mauhtteb, amuam ena iitta. Gemu laa daatteb, ag dattanu ee awaknu ib iitta amunu, ag enug eheɗnab aqeeqe, ag ebehilkad teete, ag mauhtteb. Ahilagnu am gadonnab gadon.

Jeremaia 31:29

Amu Nug imu ele atte. “Haen amuppa danab ah ag gemu attebbia baula ii amana. Gemu ag atteb. ‘Nid mamelkad ag grep ninig ele lappig, amge nid ahilkad ag aelag nette,’ aon atteb, amge haen amuppa ag baula anam ii amana. Iitta.

Jeremaia 29:12

Da anam ehanadppi, ag eɗun dahilppa uɗin, ag da onil diin, unuqiɗkkulag. Ag unuqiɗppeg, da ahilag unuqittak dookkul.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Duteronomi 30:1

Amu ag Yawe oɗe dim lamidna oinna, ena anidkkulag. Amge ag Yawe oɗe dimettan oinna, eheɗ laa awaknu anak waappa dayak anidkkulag. Anam amu, Yawe, ahilag Kayak, Nug heeb, ag matatun gona, wan laalappa, diia ukka laih me dayak danab ah, danab laa oolagppa daaglag, amge haen amuppa ag itittak enanu, amu eheɗ laa awaknu anak waappa dayak ele da yaami epeɗin dabmekkulag dayeb amu,

Duteronomi 5:9

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Eksodas 34:7

Da danab ah menuattak huu laippu bia tausen kuɗum bekkulagnu daatteb amu, da amu dilag oo mauhaknab kobol dahil dim lamidppi anidkkulag. Da nau hak, nai tappe nak, hipunin hak ele uhuqttem, amge da danab beɗulagppa aab ele amu, da ag bu madattem. Da ag bu aqatti ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte,” awa aum.

Aisaia 14:21

King, nug mamekkud aɗi ele, ag kobol naunab kuɗum heeg amu, king bekkod ⌊ag kobol nau amu ooppa nona, tuɗitteg ukka, okkai bekkunu daatteb amunu, anam ii bemanu⌋ ag aqappeg mauhkkulagnu aben babaitteg! Nug bekkod aɗi ag ahan daanna, wan aon appatna, danab ah kuɗum bena, aab okkai kuɗum heppeg bena, ⌊baula kobol naunab kuɗum ii hemananu,⌋ ag mauheg!

Aisaia 24:16

Danab ah aab umanab daatteb, wan ukka batakppa amu, ag gamag ahak doon, ahi edappeg doognig. Ahi ahilag am inam. “Ig Laa, Nug Genab Tutukku Hak Kobol Diig amu, ig Nug binag amahlak oppiaawak ele metu!” Ag anam ahi ettaglag. Ag anam ahi ettaglag, amge ⌊gemu amu, da uug bekkunu doottem amunu,⌋ da inam attem. “Dahilnu am gadonnab gadon. Da oolppa uug okkainab doyeye, da hamu iitta mekkulnu hettem. Ge! Da oolppa uug okkainab doyeye, da hamu iitta mekkulnu hettem. Da eheɗ hak danab, ag kobol nau henana, lailkad hambuppualatteg anadttem. Ge! Ag laa eheɗnab hambuppualadnana, eheɗnab hattegeg anadttem,” awe attem.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Duteronomi 8:20

Ag Yawe, ahilag Kayak, Nug ii dim lamidkkulag dayeb amu, Yawe Nug danab ah wan ag madakkunu hedeppa daatteb, Nug ag heeb nauhkkulag bia heeb, ag Israel, ag padal mena, iitta mekkulag.

2 Stori 34:24

Yawe Nug inam atte. ‘Da heppi, uug naunab aben imuppa, danab ah aben imuppanu dilagppa ele bekku. Danab eheɗ heeb, amunu eheɗ laa awaknu anak waappa dayaknu nai oh buk laa ebqeeg, Juda dilag king doyom, amuppa yaak nitte bia ana bekku.

Esra 9:7

Ig mamenkad aɗi dilag haenppa digmeta heut uɗie uɗie, gemu ele ig hipunin hetata oittem amunu, ig beɗunigppa aab naɗi daatte. Ig hipunin kuɗum hemut amunu, wanppan wan laalappan king ag ig, ihinkad king, ihinkad mana mettak danab ele, ag ig qep elabppa iqaeg mauhmut. Ag ig aɗikkeg, ig ag eppelagppa daamut. Ag uɗin, ban hena, ihinkad keeke aon goppig. Ag heeg, ig uɗa nak nau ele daut uɗie, gemu ele ig anam daattem.