Lewitikas 26:36 - Nobonob Baibel

³⁶ Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag.

Lewitikas 26:36 Referans Kwoze

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Aisaia 30:17

Amu ag Juda danab 1,000 daappeg, kekeɗ laippuib uɗia heeb, ag Juda ag oolkkulag. Kekeɗ tanig eleib heppeg, ag Juda oh ag oolkkulag. Kekeɗ ag anam hebeppeg ukkeb, ag Juda ag laippu laippu, biidod laippu nukka qauko igippa daatte, ag amubia daaglag. Ao, anam hebeppeg ukkeb, ag Juda ag laippu laippu, pilak nukka qauko igippa daatte, ag amubia daaglag.” Yawe Nug anam atte.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Esekiel 21:15

Danab ah oolag bodoettak, ɠagattag iitta dooglagnu, ag kuɗum mauhkkulagnu ele da, Yawe, da dahil qep elab, qep amuam danab aqadtte ele, da qep amu Israel dilag aabnu aɗnu od ohppa memi daatte. Ge, laa nug qep dahil aɗa, danab ah aqakkun aɗom daatte. Nug he, qep amu amemɗi bia, amemɗiag aotte.

Esekiel 21:12

Qep elab amuam danab ah dahilad aqeb mauhppeg, Israel dilag okkai ele aqeb mauhkkulag. Anam daatte amunu, danab bekka, na gaye! Na mahie! Israel dilag anuqak danab, dahilad danab ah ele ag qep elabppa mauhkkulag amunu, na momon qeute!

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Aisaia 7:2

⌊Amu king aɗit amu aa qagmeeh, haen amuppa⌋ laa Juda dilag king Ahas, nuhikkudppan ele nai laa aeg dooppig. Amu ag inam appig. “Aram ban danab ag Israel ele oh qagmeppig,” aon appig. Ahas nug nai amu doye, nug, nuhikkud danab ah ele ag baɗan, eheɗ hahaɗppig.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

2 Stori 14:14

Amu Gerar danab ah, aab naunau, aab okkai amu talilidna daappig ele, danab ah appanu ele ag ⌊Kus ehanadppig amu,⌋ ag Yawe Nug Juda ehanatta he, Juda ag Kus daup dilagppa attem heppig doon, ag baɗak eheɗ nau Yawenu doon, ban hekkulagnu elele iitta amunu, Juda ag aab amu oh eɗadna heeg nauhppig. Nauheg, en kuɗumnab amuppa dayom amunu, ag en amu ele aoppig.

1 Samuel 17:24

Israel ban danab ag Goliat anidna, nai anan eum amu ele doon, ag huana baɗan, mauhnoak eɗun, uun ⌊nakok⌋ goppig.

Josua 5:1

Amo dilag king oh ag Jodan lenu qaban uɗitteppanu daappig, amu Kanan danab ah dilag king Mediterenia yu daugppanu ele, haen ag Yawe Nug he, Jodan le qaɗaiette, Israel danab ah ag mataɗeg dooppig amu, ag baɗak okkai doon, ag Israel danab ele ban hekkulagnu oo ɠagattag qak ii dooppig.

Duteronomi 1:44

Amge Amo danab appa daappig ag ahan, uppuh huanaknab ahan ban hetteb bia, ag banelag dona lamadppig. Ag ahan, ag lamadna aqadnana, Seir wanppa tena gona, Horma appa wana uuadppig.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Genesis 4:12

Aria, haen na dad uɗat hekkut amu, keeke oh ena ii bemana. Laa ele, na aben laippuppaib ii daamna. Na qati qati oikkut,” awa aum.

Lewitikas 26:35

Uug bakppa amu, wan am hele-ettak daakku, amu haen amu oh amu, wan am maɗ ebqak eblaih aɗit ele, maɗ amuam wannu sabat maɗ, amu wan am amu awawa, hik aokkun dayom, ag amuppa daanna, ii heppig ele amu, wan am maɗ amu elele aokku.

Josua 7:5

Ai danab ag Israel lamadnana, ag aabnu aɗ odppanu ukka, lag keeke, haknu men awaknu abenppa batak, ag lamadnana gona, ag Israel danab 36 aqaeg mauhppig. Ai danab ag anam heeg, Israel ag oolagppa ɠagattag doyak ahilag iitta meum.

Job 13:25

Na ad uɗug laa ulah ye gotte, na dahilnu amubia doon, genab guittak tuɗidna meɗakkut-te? Ao, da am ee aeg dappunkkeg ulah ye gotte bia daattem, amu na da genab guittak tuɗidna meɗakkutnu da dim lamiɗkkutte?

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Jeremaia 37:10

Ag Juda, ag imu ii hemana, amge Babilon daup ag aab imuppan danab aqaglagnu ban hetteb amu, ag Juda ag ahan, ag eɗadna, kuɗumnab aqappeg mauhlob, laib laib guittak okkai eleib ahilkad peh lagppa daalob, laib laib anam ag appan ahan uɗin, ag Juda eɗadna, aab okkai imu manappeg eolo.” Yawe Nug anam atte.

Jeremaia 46:16

Ahilkad daup ag oolnana, ag baelkad am keeke laa aɗeb nena qena ahanna gonana, baula nena qekkulag. Ag gonana, lailkad nena qeppig ele beɗulkad qena, nena qekkulag. Amu ⌊wan laalappan daup Paro ehanidtteb ele⌋ ag akka akka ag akkulag. “Ahappeg, ig eɗut, ig wanenigppa, ig baenkadppa daattebppa, kekeɗ iqaglagnu ii daattebppa gotu!” aon akkulag.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Gayak Nai 1:6

Anukka Sion am binag okkai ele; amge gemu amu oh iitta meum. Doɗ dia, nug gikkiɗah laa lakkunu ii anidtte amu; Juda dilag okkai ag amubia daatteb. Dia anam hamu daya, beɗu gai-iitta me, doɗ laatai, o danabtai lamitte, oola gokkunu hette, amge elele iitta; Juda dilag okkai ag anambia daan heppig.

Gayak Nai 4:19

Ihinig kekeɗ ag eheɗ lamigppig; ag ai igel huan hagagaɗa gotte, ag amubia lamigppig; ag qaukoppa ele aɗaigkkulagnu lamigna; ag atu taɗakppa meigna daappig.

Sam 53:6

Da Kayak, Nug Sion Qaukoppa daatte amu, da Nug nuhikkud danab ah, Israel, Nug ag ehanatteb, ag padal ii memananu ool naɗi daatte! Ao, Kayak Nug nuhikkud danab ah, Jakop buɗuppud, Nug ag ehanatteb, ag eɗun ena daanna, ag gamag ahak doyeg! Ge, Israel danab ah ag gamag aheg!

Sam 89:43

Na hee, nuhig qep elab am nuhig kekeɗ ii yaalattom. Na nug banppa ehanidkkutnu uume.

Hosea 8:3

Anam amge, Israel danab ah ag kobol ena haknu uuppig; aakku gemu amu, ahilkad kekeɗ geha ag lamadkkulag.