Lewitikas 26:33 - Nobonob Baibel

³³ Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Lewitikas 26:33 Referans Kwoze

Sekaraia 7:14

Da hei, ag wanppan wan uma, ulah kilibob he, keeke tamtam laih laih gona daatteb bia daappig. Da hei, ag gona appa daanna, ag aab diig danab iitta wan amuppa daappig. Hak ahilagppa ag heeg, wan ahilag am hele-etta auta autanab awom. Danab ah ag wan amuppa ii oippig. Israel danab ah ag heeg, ahilag wan enanag, ee meu huanak oum ele amu, wan amuam hele-ettak dayom.” Yawe Nug anam atte.

Esekiel 20:23

Da hei, ag padal ii meppig, amge da imu hemi. Da eppel humen, dahil nai ɠagattag qetten, inam mattimi. Da heppi, ag wanppan wan laalappa gona daaglag. Ge, da heppi, ag wan laalappa matatun gona daaglag.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Esekiel 22:15

Ag eheɗ anam heegeg uɗie, gemu ele hetteb amunu, da bu anam matten heppi, kekeɗ ag uɗin eɗadna hekkulag. Ag heppeg, ag gona wanppan wan laalappa daaglag. Ao, kekeɗ ag heppeg, ag matatun gona, wan laalappa daaglag. Ag anam daappeg amu da heppi, ag hipunin hak gemu hetteb amu, ag anam baula iinab hemana.

Sam 44:11

Na hee, ig am sipsip danab aqadkkunu gotteb bia daattem. Ao, na ig huu okkai laala oolagppa tamtam daagnignu heme.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Gayak Nai 4:15

Ag lamen ahilkad aɗamnanu baɗan, ag, “Ahan ukkeg! Ag Yawe ele ouqak daaglagnu elele iitta ⌊amunu ig ag ele ouqak daagnignu uuttem⌋!” aon atteb; “Ukkeg, ukkeg, ag aib aɗaigppig!” aon atteb. Ag anam eeg, diig amunu ag gonana, ag wan laalappa gona, yawaina oiyegeg, appanu laa ag ahan; “Umu amu, ag ig ele baula daagnignu elele iitta. Ag ukkeg!” aon atteb.

Jeremaia 9:16

Da heppi, kekeɗ ag uɗin eɗadna heppeg, Juda danab ah ag wan laala, ag, amu ag mamelkad aɗi ele ag wan amu ii dooppig amu, ag wan amuppa, doɗ oolna, matatun gona, piɗe piɗe mauhnoak daatteb, Juda danab ah ag appa anam daaglag. Amu da heppi, kekeɗ ag lamadnana aqappeg, Juda danab ah ag padal mena autna aoglag,” awa atte.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

Nehemaia 1:8

Anam, amge gemu na eɗun, aɗi keeke laala hekkutnu nahip maɗi nid Moses amegppa ame amu, na amu dabmekkutnu oɗ medattem. Na inam ame. ‘Ag da ippunadminu oo metta ii uuak kobol ii dim lamidkkulag dayeb amu, da heppi, ag wan atu laalappa matatun gona, appa daaglag,

Sam 106:27

Nug heeb, ag wanppan wan laalappa mauhkkulagnu, Nug heeb, ahilkad kekeɗ ag heppeg, ag buɗulkad wan laalappa tamtam gona daaglagnu aum.

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Jeremaia 7:34

Da heppi, Juda wan am hele-ettak daakku amunu, Jerusalem appa, Judanu aab laa ohppa ele oo gamag ahak laa ii daama. Danab ah ele ag oo gamag ahak doon, ewau matulak ii aomna.” Yawe Nug anam awa atte.

Jeremaia 13:24

Yawe Nug atte. “Da heppi, atu taɗakppan ulah ee aeg dappunkkeg iwale gotte, amubia ag, Juda danab ah, ag matatun gona daaglag.

Jeremaia 15:4

Hesekaia bekka Manase, Juda dilag king, nug Jerusalem dayaya, nug kobol eheɗ nau kuɗum heum amunu, da heppi, wan laa ohppan danab ah ag Juda danab ah dilagnu oolagppa uuaknab dooglag.

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Esekiel 5:2

Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.

Amos 9:4

Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.

1 King 8:46

Danab ah oh ag hipunin hekkulagnu elele daatteb amunu, geha ig nahipad danab ah ele nahip-ppa hipunin hepput, na ihinignu oot nauheb, na heppe, kekeɗ ag uɗin ban hena, ig eɗigna aɗaigna, aigna, ahilag wanppa goppeg, wan amuam umatai, o miagtai,

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Esta 3:8

Anam daye amu, Haman nug King Ekserksis gumitta ukka aum. “Danab ah diig laa ag nahip ɗo waappa prowins ohppa daatteb. Ag ahilag ɗo am aabaab laa ele laippu iitta. Ag king nug ɗo mette, amge ag dim lamittaknu uutteb amunu, king nug ag uuatteb daaglagnu am ena iitta.

Sam 44:12

Danab nug keeke enanag laa daden maknu ma heeb, laa nug men doɗo honapnab metta aokkutai. Anam bekkunu elele, amu na ihinignu anambia heme anidttem. Ao, na ihinig kekeɗ uuatte, ag ig eɗigna awigna meikkeg, laa ag ig awigppig, amge na keeke laa ihinignu ii aome.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 8:3

Amu haen amuppa da heppi, Juda danab ah, ag oh bia nau hetteb amu, ag kuɗumnab mauhkkulag, amge laala da heppi, kekeɗ ag laa ii mauhppig diin goppeg, wan laappa diia ukkak danab ah daaglag. Amu ag appa daanna, ag bau daan oiglagnu uuglag. Ag mauhkkulagnu oolag daakku.” Yawe Nukka Ɠagattag Oh Ele Nug anam atte.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Gayak Nai 4:16

Ahilagnu anam daatte. Aɗinu? Yawe Nug nukka he, ag matatun gona, tamtam oitteb. Nug ag ii atognoadtte. Nug he, mana mettak danab, danab okkai ele adeppa adeppa daatteb amu, appanu danab ah ag mana mettak danab binag nakok laa ii mattan; Ao, ag Juda dilag ikki danab ehanittak nakok laa ii madatteb.

Esekiel 12:20

Kekeɗ ag heppeg, Israel dilag aab oh nauhaknab daaglag. Wan am hele-ettak daakku. Uug naunab amu beeb amu, ag Israel danab ah bau daatteb, ag dooglag, da am Yawe,’ ” awa aum.

Hosea 9:6

Aɗinu? Antte! Asiria ban danab ag laala ii aqaglag dayeb amu, geha Isip ag diiglag. Ao, Isip ban danab geha ag diin gona, Mempis maadppeg, appa ag mauhppeg boumadkkulag. Ag geha ippa ahilag wanppa ii daamna, geha uud keeke qaun ele bena, ahilag en, silwappa hak, teguadkkulag. Ao, keeke qaun ele geha ag laulkadppa bekkulag.