Lewitikas 26:15 - Nobonob Baibel

¹⁵ ag dahil ɗo iɗu iɗu uun, ɗo amunu oolagppa ena iinab dooglag dayeb, ag dahil nai haknunab attem amu dim ii lamidna amu, ag nug tituana nai qakkak am tippalkkulag. Ag keeke amu hekkulag dayeb amu,

Lewitikas 26:15 Referans Kwoze

2 King 17:15

Israel ag Yawenu ɗo nai, tituanak Yawe he, Nug ag mamelkad aɗi ele ag nug tituanna nai qagappig, ag nai amu, amu nau aomnanu nai nuhig ele oh, Nug ag mattom amu, ag nai amu oh uuppig. Ag gona, kayak hambuppuak, keeke hamu, bau iitta ele, ag ag dim lamadnana, Israel ag akka am keeke hamu, kayak hambuppuak, amubia beppig. Anukka Yawe Nug ag danab ah ag guguattak daatteb, ag amu dilag kobol ii dim lamidmananunab aum, amge Israel ag nai nuhig tappaeg ne, amu henana, ag kobol nau amu dim lamidppig.

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Esekiel 16:59

Amu Naɗi Yawe, Nug imu ele atte. “Jerusalem, da hei, da na ele i nug tituanɗa, nai qakkamuɗ. Na nahip nai amu ɠagattag qettan mattime, amge na nug tituana nai qakkak amu tippalme, amuppa na nai ɠagattag qettak nahipnu ena iinab doome. Anam amunu da bu elele medakkul.

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Namba 15:31

Nug ag oolagppanu geɗittak daakkunu diig am, nug Yawenu nai am keeke hamu bia doyaya, nuhig ɗo loppaɗom. Aun anam heum ele, genab nug ag oolagppanu geɗittak daakkuoitte. Nuhig nau haknu aab am, nug beɗuppa aakku daakku,” awa aum.

Hibru 8:9

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, ag nug tituana nai qakkak nai dahil ii dim lamidppig amunu, da dimattami.’ Naɗi anam awa atte.”

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Jeremaia 6:19

Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Prowerb 1:30

Ag dahil ulum nai ena doon, dim lamidkkulagnu uuppig. Ge, ag daug batak nai dahilnu am keeke hamu bia dooppig.

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Lewitikas 26:43

Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul.

Eksodas 24:7

Nug anam ha mala, nug nug tituana nai qakkak nainu buk awa, nug danab ah dooglagnu ebqeum. Nug ebqe doona, ag appig. “Ig Yawe aum amu, ig nai amu oh tutukku dim lamidkkunig. Genab, ig Nug oɗe doomut, dim lamidkkunig,” appig.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Genesis 17:14

Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.

Lewitikas 26:11

Da geha ag oolagppa dayeye, ahilagnu nau ii doopa.

1 Samuel 12:15

Amge ag Yawenu nai doon ii dim lamidkkulag dayeb, ag nuhig haknunab anak tabappeg nekku dayeb amu, Nug ag mamelkad aɗi dilagppa heum bia, Nug ag eheɗ hadakku.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.