Lewitikas 26:10 - Nobonob Baibel

¹⁰ Geha ag ee huana ele daan lanan, ee meu maɗ tumai ukkomnu amu agappeg ukkeb, aben dayeb, meu bau amu doa aben aokku.

Lewitikas 26:10 Referans Kwoze

Lewitikas 25:22

Am ag maɗ eblaih ewam ele, ag maɗ amuppa ee tumu eppanna, ag ee alag amu lakkulagib. Am tutukkunab, ag geha, ee alag amu labeppeg ukkeb, ee meu bau maɗ eblaih waɗele amuppa awaknu daakku,’ awa aum.

Luk 12:17

Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

2 King 19:29

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Josua 5:11

Deɗ Pasowanu Hobul hekkulagnu daye heppig, deɗ amu dimugppa, deɗ amuppanab, ag wan amuppanu ee laa lappig; amuam bret yis iitta, ee aeg manik ele lappig.

Joel 2:24

Nug anam gu he neum amunu, ee aeg mumuɗaknu abenppa ee aelkad qagmak okkainab daaglag. Am grep leppu, olip goɗen ele danab meu titiegeg, hinaippa notte amu, leppu amu ambeeb, hanak am ambaknab daaglag.