Lewitikas 25:9 - Nobonob Baibel

⁹ Maɗ 49 ukkeb, dimppa Eheɗ haknu nob nau tiigppa iitta meeb elele medakkunu deɗ okkai, amuam kalam ebqak eblaih aɗit ele, kalam amunu deɗ 10ppa, maɗ 50 ooppa, maɗ amuppa, deɗ amuppa ag trampet wan amu ohppa huana iwaladkkulag.

Lewitikas 25:9 Referans Kwoze

Lewitikas 23:24

“Na Israel danab ah nai imu appe doyeg!” awa aum. ⌊Nug anam a amu, Moses nug inam ag amelagppa aum.⌋ “Kalam ebqak eblaih aɗit ele, kalam amunu deɗ digmakppa, ag hik aoglagnu daatte. Deɗ amuppa ag uɗat hekkulagnu ii daatte. Ag uɗin, Kayak noobppa qagmena dup nona Nug binag mekkulagnu daatte. Amuam Trampet Iwalaknu Hobul dayak haen aakku. Trampet huana iwaleb, ag qagmekkulag.

Lewitikas 23:27

⌊Na Israel amelagppa nai imu appe doyeg!” awa aum. Nug anam a amu, Moses nug Israel amelagppa inam aum.⌋ “Kalam ebqak eblaih aɗit ele, kalam amunu deɗ eblaih tanig eleppa am Eheɗ haknu nob nau tiigppa iitta meeb elele medakkunu deɗ okkai. Deɗ amuppa ag Yawe noobppa qagmena, Nug noobppa dup nona binag mena, ag ee ohnu kud mena daan, ag doɗ aab aɗunu ofanu aon, Yawe gumidna wana Nug mettaglagoitte.

1 Tesalonaika 1:8

Naɗinu nai ag Tesalonaika ag mehuqppig, nai amu do oqotti bia prowins Makedonia, Akaia eleib ii ukkom. Iitta. Aabaab ohppa danab ag, ag Tesalonaika Kayaknu oolagppa genab dooppig, ag nai amu dooppig amunu amu, ig baula ahilagnu amunu akkunignu iitta.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

Rom 10:18

Amge da oɗ mettem. Israel danab amu ag nai iite dooppig? Yo, ⌊Kayak nai atte, amubia⌋ ag dooppig. ⌊Nai amuam inam.⌋ “Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte.”

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.

Namba 36:4

Maɗoɗnu gamag ahak dayaknu maɗ tituanak daatte, maɗ amuppa wan amu nug eɗua wan mameg toppa wakku, amge Selopehad aɗekkud ag danab Israel dilag huu okkai laalappanu diippeg amu, ig ag aulag wan maɗ amuppa, ig eɗut ii aomta. Amuam nug aɗekkud ag huu atten attenppan danab diippig ele, ahilagppa daakkuib; ig aunig wan ii daama.

Namba 10:10

Trampet iwalak amu ehanatteb, ag da, ahilag Kayak, ag dahilnu ag daulagppa dokku amunu, ag qagmak gamag ahak ele haknu haenppa, amuam hobul dayaknu haen epeɗiak, aria kalam bau bettenu hobul ele, ag haen amuppa manaknu ofa hetteb, laippu dayaknu ofa ele hetteb, haen amuppa ag trampet ele iwaleg! Da am Yawe, ahilag Kayak,” awa aum.

Lewitikas 27:24

Am maɗoɗnu gamag ahak dayaknu maɗ tituanak daatte, maɗ amuppa amu, wan maha amuam eɗua, wan mamegnab, laa nuhignu daden meum ele, nug eppegppa wakku.

Lewitikas 27:17

Wan mameg nug maɗoɗnu gamag ahak dayaknu maɗ tituanak daatteppa wan amu Yawenu tituana medakku dayeb amu, nug men doɗo kunum oh eleleppa daden mekku.

Lewitikas 16:30

Aɗinu? Deɗ amuppa mana mettak dilag ikki anuqak nug heeb, eheɗ haknu nob nau tiigppa iitta meeb elele metteb, ag Yawe noobppa oppiaawak daaglag.

Lewitikas 16:20

Aron nug Oo Gunnab Ele, mettid haknu peh lag danab ah appa qagmetteb ele, qaɗab ele Kayaknu neekkakppa oppiaawak daaglagnu keeke oh ha mala amu, nug meeme bau daatte awa, qaɗab guguitta wakku.

Lewitikas 25:8

Tuɗittak amu, ag maɗ ebqak eblaih aɗit ele, maɗ amuam wannu sabat maɗ amu, ag maɗ amunu eblaih aɗit ele ebqenana, dabmekkulagoitte. Amu oh am maɗ 49.

Josua 6:4

Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Lewitikas 16:29

Ag keeke imu oh maɗ ohppa, kalam ebqak eblaih aɗit ele, kalam amunu deɗ eblaih tanig eleppa hekkulagoitte. Ag deɗ laippu amu ohppa amu, ag ee ohnu kud mena daanna, uɗat laa iinab hemana. Ɗo imu nug hanhannu, Israel danabnab, amu wan laihnu danab, ag uɗin, ag oolagppa daatteb ele, ahilag ohnu daatte.

Sam 89:16

Ag na diit enanag anidna doon, ag haen oh amun, tuqan ele nahipnu oolag gamag ahatte. Na genab tutukku hak kobolib dim lamidna hee, danab ah ag enanag dootteb.