Lewitikas 25:6 - Nobonob Baibel

⁶ Amge ag maɗ amuppa, maɗ amu onig am wannu sabat maɗ, maɗ amuppa ag, ahilkad maɗi nid maɗi ah ele, aria, ahilkad uɗat nid, amu wan laihnu danab, ag amu maɗ eblaih aɗit amuppa ee akka bena meu otteb ele amu lakkulagnu ele.

Lewitikas 25:6 Referans Kwoze

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Aposel 2:44

Anam heehe, danab oh ag Kristusnu oolagppa genab dooppig ele, ag oolag laippu mena, laippu qagmak daanna, danab laala ag keeke ele amu, ag akka ahilagnuib ii aɗappig. Iitta. Ag Jesusnu oolagppa genab dooppig, laippu qagmak daatteb, ag oh ahilag dayom.

Lewitikas 25:20

Amge ag inam oɗ mekkulagtai, ‘Ig maɗ eblaih aɗitppa eppaknu, meu awaknu ele am aib anak daatte. Anam daatte amunu, ig amu hekkunig dayeb amu, ig maɗ amuppa aɗi lakkunig?’ aon akkulagtai.

Eksodas 23:11

amge maɗ ebqak eblaih aɗitppa ag anam ii hemana; wan ele ii buumna. Iitta. Ag uuppeg, wan hik awaɗ! Amu ee maɗ amuppa nukka bette ele amu, ag aib aoppig! Ag uuppeg dayebeb, daɗek danab ah ag oolagppa daatteb amu, ag amuppan ee aon lappeg ukkeb, nakok laa dayeb amu, doɗ dakkuɗ ag aon lakkulag! ⌊Amge ag wan mameg aɗi amu, ag maɗ amuppa ee amu ii aomna.⌋ Amu ag grep dad, Olip dad ele, ag anamib hekkulag.

Lewitikas 25:5

Ag ee ag akka betteb ele amu, ag ee amu aib aon, bakkalenu menana, muɗi grep ag ii bappaladtteb ele, amuppan ee ele aib aon, akkan bakkalenu maadppig. Wan nug maɗ laippu amuam hik awa daakkun daatte.

Lewitikas 25:7

Amu doɗ manan, doɗ dakkuɗ ele, ag wanppa ee akka bena meu otteb ele lakkulagnu elele. Aɗi ee nukka wanppa bette amu, am lanaknuib.

Lewitikas 25:21

Ag anam akkulagtai, amu amunu nob mak am, ‘Da, Kayak, da geha maɗ eblaih laippu amuppa itadkkul amunu, wan nug heeb, ee meu huana okku. Ag maɗ ewam oh, ee amu lakkulagnu elele daakku.

2 King 19:29

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.