Lewitikas 25:4 - Nobonob Baibel

⁴ amge maɗ eblaih aɗit ele, amuppa amu wan uuppeg, wan am sabatnu hik awak, anambia daakkuoitte. Sabat bia dayak, amuam Yawe binag awaknu. Ag maɗ laippu amuppa amu, ag aib keh eppaladnan, o grep dadppa grep muɗi ele bappaladppig.

Lewitikas 25:4 Referans Kwoze

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

Lewitikas 26:43

Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul.

Lewitikas 25:5

Ag ee ag akka betteb ele amu, ag ee amu aib aon, bakkalenu menana, muɗi grep ag ii bappaladtteb ele, amuppan ee ele aib aon, akkan bakkalenu maadppig. Wan nug maɗ laippu amuam hik awa daakkun daatte.