Lewitikas 25:34 - Nobonob Baibel

³⁴ Aria, gikkiɗah dad okkai, Lewi buɗub dilag aab taliliak daatteb, amuam ag dadennu ii memana. Aɗinu? Wan amu, ⌊am aab amu ele laippu daattep, wan amuam aab amuppan danab, Lewi buɗub, ag oh uɗat mettaglagnu elele,⌋ am wan amu hanhan Lewi buɗub eppelagppa daakkunu daatte.

Lewitikas 25:34 Referans Kwoze

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Lewitikas 25:33

Anam amunu, Lewi buɗub ag lag dadennu meppeg, laa daden mekku amu, ag lag amu laa eppegppa dayaknu qagaiettakppanu eɗua uhuqak hekkulagnu hanhan elele daatteb. Ag amu ii hekkulag dayeb amu, maɗoɗnu gamag ahak dayaknu maɗ tituanak daatte dokku, maɗ amuppa laa nug lag mameg mette ele, nug haen amuppa nug eɗua, Lewi buɗub danab medakkuoitte. Aɗinu? Lewi buɗub laulkad am ag appalkad, Israel ooppa aguppa aakku daatteb. Am ahilag keeke aakku, ag wan keeke laa iitta.

2 Stori 31:19

Aria, Aron buɗub, mana mettak danab daappig amu, ag ahilkad aab anen anen, o ahilkad aab anen anen daugppa, dad okkaippa daappig amu, danab ag keeke otin madappig ele ag amu dilag ele dabmena, keeke madappig. Danab okkai ag danab paniak uɗat amu hekkulagnu, ag danab amu onilagppanab enana, tituanatteg, ag uɗat amu heppig. Keeke ag otin madappig ele amu, danab aun, ag onilag am Lewi buɗub onilkad yaaknu bukppa niippig ele, amu ag oh keeke otia mattakppa keeke aoppig.

Esekiel 48:13

Aria, Lewi buɗubppan mana mettak danab iitta dilag wan, heqo laih daatte amu, wan amunu okkai am inam: elab nuhig am 12 kilomita maha ele, emaitak nuhig am 5 kilomita. Amuam nuhig elab oh, nuhig emaitak oh aakku.

Esekiel 48:14

Wan ag da meɗaglag amu, Lewi buɗub ag meppeg, laa nug uɗia aib daden meum. Lewi buɗub, ahilagib dayaɗ! Wan amuam wan enanagnab, laa oh eɗattak. Wan amuam da, Yawe, dahilnu tituanak daatte amunu, danab laa wan amu aib awom.