Lewitikas 25:22 - Nobonob Baibel

²² Am ag maɗ eblaih ewam ele, ag maɗ amuppa ee tumu eppanna, ag ee alag amu lakkulagib. Am tutukkunab, ag geha, ee alag amu labeppeg ukkeb, ee meu bau maɗ eblaih waɗele amuppa awaknu daakku,’ awa aum.

Lewitikas 25:22 Referans Kwoze

2 King 19:29

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Lewitikas 26:10

Geha ag ee huana ele daan lanan, ee meu maɗ tumai ukkomnu amu agappeg ukkeb, aben dayeb, meu bau amu doa aben aokku.

Aisaia 37:30

Yawe Nug Senakeripnu Aisaia oɗeppa anam mattia male, Aisaia nug Hesekaia amegppa inam aum. “O Hesekaia, imuam na anidna, Yawenu nainu ootppa genab dookkunu at daakku. Gemu, maɗ imu amu, na aɗi keeke anppa nukka beum am lakkut. Maɗ imu uueb, maɗ laappa na aɗi keeke meu amuppanu nukka bekku amu, na maɗ amuppa ee amu lakkut. Amge maɗ amu uueb, maɗ amuppa na wit keeke ebappe ba, meu okku amu, na lanan daakkut. Na grep dadppa muɗi grep ebappe ba, meu oobob lakkut.

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Eksodas 16:5

Ag deɗ oh anam hekkulag, amge deɗ ebqak eblaih laippuppa amu, ag inam hekkulag. Ag ee deɗ aɗitnu aon bappaidna, meppeg dayebeb, deɗ laippunu ee deɗ ebqak eblaih laippuppa lawona, laih deɗ laanu, am deɗ eblaih aɗitppa laig!” awa aum.