Lewitikas 25:21 - Nobonob Baibel

²¹ Ag anam akkulagtai, amu amunu nob mak am, ‘Da, Kayak, da geha maɗ eblaih laippu amuppa itadkkul amunu, wan nug heeb, ee meu huana okku. Ag maɗ ewam oh, ee amu lakkulagnu elele daakku.

Lewitikas 25:21 Referans Kwoze

Duteronomi 28:8

Yawe Nug ag aɗi keeke ag eppelagppa hekkulag, Nug amu ohppa itatta, bakkalen lakka ee ambak mekku. Yawe, ahilag Kayak, Nug wan ag madatte, amuppa itadkku.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

2 Korint 9:10

Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Duteronomi 28:3

Yawe Nug heeb, aab okkaippa, aab okkai dimittim ele ag itittak ena aoglag.

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

Genesis 41:47

Amu maɗ eblaih aɗit ena ele, haen amuppa Isip wanppa ee meu huanak oum,

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Lewitikas 25:4

amge maɗ eblaih aɗit ele, amuppa amu wan uuppeg, wan am sabatnu hik awak, anambia daakkuoitte. Sabat bia dayak, amuam Yawe binag awaknu. Ag maɗ laippu amuppa amu, ag aib keh eppaladnan, o grep dadppa grep muɗi ele bappaladppig.

Lewitikas 25:6

Amge ag maɗ amuppa, maɗ amu onig am wannu sabat maɗ, maɗ amuppa ag, ahilkad maɗi nid maɗi ah ele, aria, ahilkad uɗat nid, amu wan laihnu danab, ag amu maɗ eblaih aɗit amuppa ee akka bena meu otteb ele amu lakkulagnu ele.

Esekiel 34:26

Da ag, amu aben oh dahil qauko Sion talilittak daatteb ele itadppi, ena daaglag. Da heppi, gu nuhig haenppa elele neeb, itittak ena ele aakkuib daaglag.

Eksodas 16:5

Ag deɗ oh anam hekkulag, amge deɗ ebqak eblaih laippuppa amu, ag inam hekkulag. Ag ee deɗ aɗitnu aon bappaidna, meppeg dayebeb, deɗ laippunu ee deɗ ebqak eblaih laippuppa lawona, laih deɗ laanu, am deɗ eblaih aɗitppa laig!” awa aum.