Lewitikas 25:19 - Nobonob Baibel

¹⁹ Anam hena, ag wanppan keh huana aona, ag lappeg, oolag aɗebeb, wan amuppa baɗak iittappa daaglag.

Lewitikas 25:19 Referans Kwoze

Joel 2:26

Ag ee amu aon, ag elele labeppeg, oolag didikku. Oolag dittieb, ag da, Yawe, ahilag Kayak, da ag ehanadkkulnu uɗat ɠagattagnab ele hemi amu, ag uɗat amunu da onil humaglag. Ag am dahilad danab ah. Ag baula uɗa nak ii doomna; iitta.

Sam 85:12

Yawe Nug genab keeke ena ig megakku. Nug mekkebeb, wan ihinigppa ee meu ena ena bekku.

Lewitikas 26:5

Ag geha meu huananab, oh awaknu elele iitta, tuɗid ele nug qaɗe qaɗe aonnaib daaglag. Ag ahilag wanppa lanaknu huannanab dayeb lanana, ag baɗak iittappa daaglag.

Joel 2:24

Nug anam gu he neum amunu, ee aeg mumuɗaknu abenppa ee aelkad qagmak okkainab daaglag. Am grep leppu, olip goɗen ele danab meu titiegeg, hinaippa notte amu, leppu amu ambeeb, hanak am ambaknab daaglag.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Sam 67:6

Ihinig wanppa ee kuɗum be, ig aomut; Kayak, Nug am ihinig Kayak, Nug itittak ena ig mekkom.

Lewitikas 25:18

Ag dahil ɗo iɗu iɗu dabmettan, pehettak dim lamidna hekkulag amu, ag wan amuppa baɗak iittappa daaglag.

Lewitikas 25:20

Amge ag inam oɗ mekkulagtai, ‘Ig maɗ eblaih aɗitppa eppaknu, meu awaknu ele am aib anak daatte. Anam daatte amunu, ig amu hekkunig dayeb amu, ig maɗ amuppa aɗi lakkunig?’ aon akkulagtai.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.

Lewitikas 26:6

Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Duteronomi 12:10

Ag haen elab iitta, Jodan le mataɗna wana, ag wan Yawe, ahilag Kayak, Nug ag madatte, ag amuppa daaglag. Wan amuam ag aulag daakkunu ag madatte. Yawe Nug ag ehanatteb, ahilkad kekeɗ eɗadna, ag appa aben aon, baɗak iittappa daanna amu,

1 King 5:5

amunu, gemu da mettid lag laa, Yawe, dahil Kayak, Nug onig amuppa daakkunu buukkulnu hettem. Yawe Nug anukka da mamel, nug bekkanu nug amegppa nai aum am inam. ‘Da geha heppi, nahip nid laa na abenamppa king dayaya, amu nug geha mettid lag dahil, da onil amuppa daakkunu buukku.’ Yawe Nug nai anam aum amunu, gemu da Nug laug amu buukkulnu hettem.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.