Biblia Todo Logo
Bib sou entènèt

- Piblisite -




Lewitikas 25:14 - Nobonob Baibel

14 Am ag oolagppanu laa nug nuhig wan meeb, nug layag, Israel ted laa, nug daden ma, uɗat medakku amu, aa nug bubuittak aib hepiɗ.

Gade chapit la Kopi




Lewitikas 25:14
33 Referans Kwoze  

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!


Ag aib nug bubuittak heppig. Iitta! Ag Kayaknu ebehilag oh bodoetta le maɗ! Aɗinu? Da am Yawe, ahilag Kayak.


Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.


Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!


Amge ag anam ii hetteb. Ag akka akka Kristen lailkad dilagppa keeke yab aotteb. Ag akka akka Kristen lailkad dilagppa eheɗ hetteb. Ag anam henana, ag danab nau hetteb bia helob am ele ena iitta, amge ag naunab hetteb. Ag lailkad dilag, amuam Kristen laala, ahilagppa kobol nau amu hetteb.


Anam a amu ban danab laala ele ag oɗ medappig. “Ig amu attem hekkunig?” aon appig. Aeg amu nug amelagppa aum. “Ag danab laa aib duttunattegeg, ag men doɗo madappig; amu laa ag hambuppuna, danab eheɗ laa ii heum ele, ag nug eheɗ heum aib appig. Ag ahilag uɗatnu nob tutukku aona, baubau awaknu aib dabmeppig. Ag aotteb ele amu, ag amunu elele doonna dayeg!” awa aum.


Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.


Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.


Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.


Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!


Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.


Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.


Okkai danab aun nug epeɗia ha dabmak ena awak kobol ii dootte ele, nug nuhikkud danab ah eheɗ hadatte; amge laa nug men doɗo ib eheɗppa awaknu nau ninig ele dootte amu, nug am haen elabnab okkai daakku.


Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.


Danab okkai laa nug daɗek danab ah eheɗ hadatte amu; nug am gu huananab naan he, datta keh keeke iitta metteb, nug amubia daatte.


Laa nug en okkai aokkunu daɗek danab duttunatte, ag nuhig uɗat o hamu bia hetteb, o laa nug enub danab ag nuhignu oolag hekkunu keeke ahilag daakkunu madatte amu; aɗit amu oh aa goya, daɗek daaglah.


Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.


Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.


Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.


Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.


Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.


Ag anen anen ag maɗoɗnu gamag ahak dayaknu maɗ tituanak daatte haen ganeb dayom, ukkeb ukkeb, ganeb maɗoɗnu gamag ahak dayaknu maɗ tituanak daatte baula daakku dabmenana, maɗ amuppa wan amuam eɗua, mamegnab eppegppa gokku amunu, na wan amuppa maɗ gane ee okkun daatte dabmena, daden mekkut. Laa meeb, daden mekkunu hette ele amu, nug ele anamib dabmaama meeb, laa daden mekku.


Swiv nou:

Piblisite


Piblisite