Lewitikas 24:9 - Nobonob Baibel

⁹ Bret kunum amu oh am Aron, nug buɗuppan danab ele aakkuib, ahilagnu daatte. Ag aben Kayaknu tituanak daatte ele, ag amuppa daanna lakkulagoitte. Aɗinu? Bret kunum amu, ag Yawe mettaknu aab aɗunu ofa ohnu laa aakku; amu mana mettak danab ag mana mettak amuppanu maha, ahilag ee daakkunu aoglag. Amu bret kunum imu, am maha amunu maha laa aakku; am Yawenu tituanaknab daatte,” awa aum.

Lewitikas 24:9 Referans Kwoze

Lewitikas 8:31

Moses nug anam hewowa amu, nug Aron, bekkod ele amelagppa aum. Ag mettid haknu peh lag danab ah appa qagmetteb ele, ag lag amu odppa, Nug ag anam hekkulagnunab aum bia, ag doɗ teppu laa daatte amu, ag amu oh uhina, ag appa ag baɗ awaknu ofanu kalegppa bret daatte amu ele laig! Ag amu hekkulagnunab amu, Yawe Nug inam aum. “Aron, bekkod ele aguppa laig!” awa aum.

Luk 6:4

Haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele mattom,” awa aum.

Mak 2:26

Amuam Abiatar nug mana mettak ikki danab dayom haenppa beum, amu haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele mattom,” awa aum.

Matyu 12:4

Haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele matte lappig.

Lewitikas 10:17

“Ib etta, hipunin haknu ofanu amu, mana mettak amuam Kayaknu tituanaknab daatte amunu, aɗinu ag mana mettak amunu doɗ teppu aben Kayaknu tituanak daatte ele imuppa ii daanna lappig? Yawe Nug ag mana mettak amu hekkulagnu aum. Mana mettak amuppa Nug he, danab ah ag beɗulagppa aab iitta daatteb. Yawe noobppa mana mettak amuppa ag danab ah dilagnu hipuninnu nob nau doɗ tiigppa iitta meeb elele medakkunu hetteb.

Lewitikas 6:16

Plaua eppeg laippuppa appuom amu, plaua amu manak malak, plaua biig laih oh am Aron, bekkod ele dilagnu ee daakku. Plaua amuppa bret yis iitta hak dimppa, ag mettid haknu peh lag danab ah appa qagmetteb ele, lag amu haɗap-ppa, aben amuam Yawenu tituanak daatte amu, ag appa lakkulagnu daakkuoitte. Aben amuam Kayaknu tituanak daatte amunu, ag appa lakkulag.

1 Samuel 21:6

Dawit nug anam a amu, Ahimelek nug bret Kayaknu tituana mettak daatte, nug bret amu Dawit mettom. Aɗinu? Bret laa ii dayom. Kayak Nug ina daatte ippuanattaknu bret, bret amu aakkuib dayom. Bret amuam, tatam Ahimelek nug balalppa me, appa Yawe noobppa dayeye, mettid laippu uue, dimppa nug bret amu eɗua awawa, nug bret bau balalppa meum, amge bret alag nug awom, bret amuib nug awa Dawit mettom.

Lewitikas 21:22

Nug amu ii hema me, nug Kayaknu mana mettak hak, laa Kayaknu tituanak daatteb, laa Kayaknu, tituanaknab daatteb amu, nug amu lakku.

Malakai 1:12

Amu Yawe Nukka Ɠagattag Oh Ele Nug atte. “Anam amge ag da Yawe, ag dahil qaɗabnu, ‘Am dubuttid tak ele,’ anana, ag ee amuppa manan, da meɗaglagnu, ag ee amunu, ‘Am keeke hamunab, ig pehettak dabmekkunignu keeke iitta,’ anana, ag kobol amuppa ag da Yawe, ag dahil qaɗab am keeke hamu bia doon, laa amu ippunadtteb.

Lewitikas 8:3

dahil mettid haknu peh lag danab ah appa qagmetteb ele, lag amu od oɗeppa do! Diin dona amu, Israel danab ah ohnab appa qagmekkulagnunab appe doyeg!” awa aum.

Lewitikas 24:10

Amu deɗ laa danab laa, nug anig am Israel ted, mameg am Isip ted, nug Israel ted danab laa ele, aa haen tutu dayaknu aab kalakppa daayya, aa nug qepiɗ.

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 6:9

“Na Aron bekkod ele amelagppa haknunab nai imu appe doyeg!” awa aum. ⌊Nug anam a amu, Moses nug Aron bekkod ele amelagppa inam aum.⌋ “Ag manaknu ofa uuppeg, qaɗabppa dayebeb, aab ewebeb ukka, wakkaɗkkuoitte.

Lewitikas 6:11

Nug anam hewowa, nug bala meum uɗowa, nug bala hanhan mette ele amu ma, uhuɗ amu awa ukka, haen tutu dayaknu aab kalak dimittim, appa aben dubuttid iitta eleppa mekkuoitte.

Lewitikas 10:12

Amu Moses nug Aron, amu nug bekoɗ, Eleasar, Itamar ele, aa ii mauhpiɗ amu, nug ag amelagppa aum, “Danab ah ag Yawe mettaknu aab aɗunu ofa hena, ag ee aegnu ofa ele haen amuppa hetteb amu, ag mana mettak danab ag eppelag laippuppa plaua appua awa, ee aegnu ofa hak amunu plaua laa daatte, amu ahilagnu aweg! Ag plaua amu yis iitta ele manak ag aon, qaɗab guguittak daanna laig! Aɗinu? Keeke amuam Kayaknu tituanaknab daatte.