Lewitikas 24:22 - Nobonob Baibel

²² Ɗo dim lamittaknu imu am, Israel danab, wan laihnu danab ele, ahilag ohnu daatte. Aɗinu? Da am Yawe, ahilag Kayak.’ ” Yawe Nug anam aum.

Lewitikas 24:22 Referans Kwoze

Eksodas 12:49

Amu ɗo am laippu; Israel danab, amu wan laihnu danab nug uɗia, ag oolagppa daatte ele, am ag oh, ahilag ɗo,” awa aum.

Namba 9:14

Aria, wan laihnu danab, ag uɗin, ag oolagppa daatteb amu, ag oolagppanu laa nug ag ele oh Pasowanu Hobul gamag ahak ele hekkulagnu oo daakku dayeb amu, nug hekkun elele, amge nug Yawenu Pasowa haknu ɗo oh dim lamidkku. Israel danab, o wan laihnu danab ele oh, ag ɗo laippu amuib dim lamidkkulag,” awa aum.

Namba 15:29

Ɗo imu amu, Israel danab, amu wan laihnu danab ele, ag oh tonadtte. Aun nug Israel tedte, iitta nug wan laihnu danabte, keeke amu oh am hamu. Auntai laa nug ii doyaya, hipunin hette amu, ɗo laippu amuib ag oh tonadtte.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 24:23

Yawe anam a, Moses nug Israel amelagppa a, ag danab nug Yawenu dabittak nai aum ele, ag nug omalna, haen tutu dayaknu aab kalak dimittim gona, ag menppa oeg mauhom. Yawe Nug Moses amegppa anam haknunab aum bia, ag heppig.

Duteronomi 1:16

Haen amuppa da ahilag epeɗiak danab amelagppa ami. “Laa nug laa naippa yaakku dayeb, ag nai doya mala hettoɗia epeɗia elele mettak uɗat tutukkunab hekkulagoitte. Ag epeɗia hak eleleppa Israel dilagppa hekkulagoitte; ag Israel danab ah dilagppa, ag wan laihnu danab dilagppa ele anamib hekkulagoitte.