Lewitikas 24:16 - Nobonob Baibel

¹⁶ Ao, aun laa nug Yawenu dabittak nai akku amu, ag nug qeppeg mauhaɗ! Israel dilag tamaniak oh ag nug menppa makkuɗkkulag. Nug Israel ted laate, iitta wan laihnu danab laatai, nug Yawenu dabittak nai akku dayeb amu, ag nug qeppeg mauhaɗ!

Lewitikas 24:16 Referans Kwoze

Matyu 12:31

Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma.

Jems 2:7

Am Kayak Nug Kristus onig ag mattom amu, danab amu ag aakku onig amu dappidna maditteb.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Matyu 26:66

Ag aɗi atteb?” awa aum. A amu ag appig. “Nug mauhkkun daatte,” aon appig.

Sam 139:20

O Kayak, danab ag laa aqatteb ele, ag nahipnu nai nau digdig atteb. Ao, nahipad kekeɗ ag nau henan, ag na onin diin, nai nau ele ouaqadna maditteb.

Sam 74:18

O Yawe, kekeɗ ag na aon aon nidappig amu, na amu dabmekkutnu oɗ medattem. Ao, na danab ag na, Kayak, ag nahipnu dabmak tutukku iittappa na onin aon aon qedatteb amu, na amu dabmekkutnu unuqidttem.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Mak 14:64

Nug nukka nuhignu, ‘Da am Kayak,’ aum amunu, Nug Kayaknu dabittak nai aakku aum. Ag nai amu dooppig amu ag nuhignu aɗi atteb?” awa aum. Nug anam a amu ag oh, “Nug eheɗ heum, Nug mauhkkun daatte,” appig.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

2 Samuel 6:2

Dawit nug danab amu oh ele ag ahan, Kayaknu Tituanak Nainu Kunup aon, Jerusalem uɗiglagnu aab onig Bala, Juda wanppa dayom amu, ag appa goppig. Tituanak Nainu Kunup, amuam Kayaknu, am Yawe Nukka Ɠagattag Oh Ele, Nug sia king nuhigppa, engel okkai-kerubim aɗit dottolah, Tituanak Nainu Kunup amuppa daattep ele, Nug aa gamalahppa daatte.

Lewitikas 20:2

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug ag amelagppa inam aum.⌋ “Am Israel oolagppa, laa nug Israel ted, o wan laihnu danab, ag uɗin, ag oolagppa daatteb, am amu laatai, nug nid nuhig awa, mana mettak ha, Molek medakku dayeb amu, tamaniak ooppan danab ah ag nug menppa qeppeg mauhkkuoitte.