Lewitikas 24:11 - Nobonob Baibel

¹¹ Nug qak ooppa, Israel ah, gamu Isip ted, nug bekka, nug Israel ted baeg qa, nug Yawe eheɗ laa awaknu anak waappa daakkunu aum. Yawenu nai aum, amuppa nug Yawenu dabittak nai mattiom. Nug anam heum amunu, ag danab amu Moses toppa ⌊hettoɗiak hekkunu⌋ aon goppig. Nug anig am onig Selomit. Nug am Dibri aɗeg, Israel dilag huu okkai laa Dan, amuppanu.

Lewitikas 24:11 Referans Kwoze

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Job 2:5

Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Eksodas 18:26

Nug otiatte, ag hanhan epeɗiak uɗat amu gumappig. Eheɗ hak, am nai nakok amu ele agib bappaidppig, amge eheɗ hak okkai amu, ag danab ah amu omaladna, Moses gumidna ukkaeg, nug babaittom.

Eksodas 18:22

Am geha danab anam amu ag danab dilag epeɗiak danab daanna, danab ah dilag uug nakok digdig ag haen oh bappaidkkulag. Ag akka uug nakok amu hettoɗiakppa bappaidppeg, elele daakku, amge uug okkainu amu, ag na gumidna uɗippeg, na amu bappaidkkut. Ag anam hena amu, geha ag na ehanidppeg, uɗat amunu uug amu, ag oh maonna, geha na nakka, na uug okkainab ii doomna.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Revelesen 16:21

Amu ais maha, ahilag uug anen anen amu 50 kilogram anam, habppanu nena, danab qaɗelkadppa neppig. Ais okkainab amu nak am naunab nau amunu, ag Kayaknu dabittak nai appig.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Rom 2:24

Kayak naippa yaak daatte amubia ag hetteb. Nai am inam. “Ag Juda, ag beɗulagppa iitta aɗi danab ag Kayak, ag nuhignu dabittak nai maditteb.”

Matyu 26:65

Jesus anam a amu, mana mettak ikki danab nug lamen nuhig aɗa pattiɗa, nug aum. “Nug Kayaknu dabittak nai maditte! Ig aɗi heehe anttomnu mattiak danab laala danab imu eheɗ heumnu mattiglagnu ii mattimta. Iikku elele. Nug Kayaknu dabittak nai aum amu, ag aakku dooppig.

Sam 74:22

O Kayak, na binan lokkumak daamanu na heppe, miag atiak daakkunu oɗ medattem. Ao, na danab ag Kayak dab-ii-menan ii dim lamidtteb ele, ag deɗ oh amun tuqan ele na aon aon nidatteb amu, na amu dabmekkutnu unuqidttem.

Sam 74:18

O Yawe, kekeɗ ag na aon aon nidappig amu, na amu dabmekkutnu oɗ medattem. Ao, na danab ag na, Kayak, ag nahipnu dabmak tutukku iittappa na onin aon aon qedatteb amu, na amu dabmekkutnu unuqidttem.

Job 1:22

Uug digdig amu oh Job nuhigppa beum, amge nug hipunin laa ii heum; Kayak eheɗ heum ele nakok laa ii aum.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

2 King 19:22

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

2 King 19:10

“Ag Juda dilag king Hesekaia amegppa inam aig! ‘Na Kayak laa, na nuhigppanu ehanittak aon, ena daakkutnu dabmettem amu, na Kayak amu buppuidmanu dabme! Kayak amu Nug na amenppa, “Da ehanidppi, Asiria ag Jerusalem ii eɗidmana. Ag Jerusalem ag Asiria eppelagppa ii daamna,” atte, amge amuam genab iitta.

2 King 19:6

Aisaia nug ag amelagppa aum. “Ag eɗun gona, ahilag King Hesekaia amegppa inam appeg doyaɗ! ‘Yawe Nug atte, “Asiria dilag king nug he, danab laa ag nug waappa daatteb ele, ag uɗin, nai laa mattieg doome. Amu nai ag madippig amu, na nai amunu aib baɗame. Asiria danab amu ag nai amuppa dahilnu dabittak nai madippig.

2 King 18:37

Asirianu ban daup ikki amu nug anam mattia male, Hilkaia bekka Eliakim, nug am kingnu lag enanagnab gumom, Sepna, nug nai yaak danab, aria Asap bekka Joa, nug yaak danab dayom amu, ag oh ahilkad lamen pattiɗadna, ag eɗun Hesekaia toppa gona, ag Asiria daup dilag okkainu nai oh nug amegppa mattieg doyom.

2 King 18:35

Kayak amu oh am ahilkad danab ah ehanadppeppeg, ena daaglagnu elele iitta daappig. Kayak amu ag ahilkad danab ah ehanadppeg, da ag ii eɗadpanu elele ii daappig. Anam amunu, Yawe Nug ag Jerusalem daatteb, Nug ag ehanatteb, ag da eppelppa iite daamna? Iitta,’ awa atte.” Asiria dilag ban daup ikki banppa o ban guguittakppa daatte nug anam nuhig okkai oɗe awa, aakku awa aum.

2 King 18:30

Hesekaia nug ag amelagppa atte. “Yawe Nug ehanikkeb, ig ena daagnig. Nug heeb, Asiria dilag king nug aab okkai imu ii eɗidma. Ig nug eppegppa ii daamta,” awa atte. Nug anam atte, amge ag nuhig nai amu dabmenana, oolagppa genab aib dooppig. Yawe Nug ii ehanadma.

1 King 21:13

Meeg dayeye amu, ⌊ag⌋ danab nau aɗit ⌊aeg dooya,⌋ Nabot dayom gukkuidya goya, heɗep neya daayya, aa danab ah oh daaegeg noolagppa daayya, aa Nabot nug Kayak, amu king ele aa eheɗ laa awaknu anak waappa daaglahnu aum apiɗ. Ayaya, Nabot beɗuppa yaapiɗ. Amu danab ah nai amu doon, ag ahan, Nabot aɗan, aon aab okkai dimittim gona, menppa makkuɗeg mauhom.

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

2 Samuel 12:14

amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Lewitikas 24:10

Amu deɗ laa danab laa, nug anig am Israel ted, mameg am Isip ted, nug Israel ted danab laa ele, aa haen tutu dayaknu aab kalakppa daayya, aa nug qepiɗ.