Lewitikas 23:42 - Nobonob Baibel42 Am hobul dayak amunu deɗ eblaih aɗit amu ohppa amu, ag Israelnab danab ah, ag peh waappaib daaglagoitte. Gade chapit la |
Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.
Am ag deɗ eblaih aɗit ele amu, maɗ anen anen ohppa Yawe dabmenana, qagmak gamag ahak ele hena daaglagoitte. Ɗo imuam ahilagnu hanhannu daatte. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte. Ag kalam eblaih aɗitppa Yawe dabmena, qagmak gamag ahak ele hekkulag.
Da ⌊ag nau aomnanu, da⌋ dahil propet amelagppa nai mattimi. Da hei, ag tulegleg kuɗum anidppig. ⌊Da amu hein, da hei, propet ag uɗin, ag amelagppa mattiegeg, ag dooppig⌋. Ele amu, da propet keeke danab ag dootteb ii dootteb ele ouaqatta, ippunittak nai kuɗum ippuanatti, ag mattiegeg dooppig.” Yawe Nug anam aakku atte.