Lewitikas 23:34 - Nobonob Baibel

³⁴ “Na Israel danab ah nai imu appe doyeg!” awa aum. ⌊Nug anam a amu, Moses nug nai inam ag amelagppa aum.⌋ “Pehppa Dayaknu Hobul amu, am kalam ebqak eblaih aɗit ele, kalam amunu deɗ 15ppa digmekku. Yawe noobppa hobul dayak amu, am deɗ eblaih aɗit oh daakku.

Lewitikas 23:34 Referans Kwoze

Jon 7:2

Aria Juda dilag Pehppa Dayaknu Hobulnu haen miag do,

Nehemaia 8:14

Ag anam uɗin daaegeg, Esra ɗo nai amu mehuqeqe, ag Yawe Nug Moses oɗeppa Israel danab ah ag kalam eblaih aɗitppa hobul laa henana, ag peh lagppa daaglagnunab ippuanattom anidppig.

Esra 3:4

Ag amu hewona, ɗo naippa yaak niitte bia ag gamag ahak ele Pehppa Dayaknu Hobul heppig. Ag amu henana, ag ɗoppa yaak niitte bia, ag manaknu ofa ebqak eleleppa, deɗ deɗppa hena, Yawe medappig.

Namba 29:12

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ 15ppa, deɗ amuppa ag Yawe noobppa qagmena dup nona Nug binag meig! Ag uɗat hanhan hetteb amu, ag aib heppig. Ag Yawe dabmenana, qagmak gamag ahak ele deɗ eblaih aɗit ele hekkulag.

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

Hibru 11:13

Abraham aɗi amu ag ahilag ooppa genab doyak amuib aɗan mauhppig. Ag Kayak keeke madakkunu nai qakka aum, nai amuib aoppig daanna mauhppig; keeke amu ii aoppig, amge butti aɗi keeke amuam bekkunu genab anidppig. Ag appig. “Ig am wan laihnu danab uɗit daatteb bia daattem; wan imuam ig appanig diignab iitta,” aon appig.

Lewitikas 23:33

Aakku Yawe Nug Moses amegppa aum.

Lewitikas 23:42

Am hobul dayak amunu deɗ eblaih aɗit amu ohppa amu, ag Israelnab danab ah, ag peh waappaib daaglagoitte.

Lewitikas 23:43

Amuam Israel menuak bau anen anen dokkulag, ag dooglag; da ag alalkad, ag Isip wanppanu, qagaiettakppa ii daamnanu ehanatten hei, ag alalkad ag peh waappa daaegeg, da ag Isipnu diien, omalatti uɗippig. Da am Yawe, ahilag Kayak,” awa aum.

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Duteronomi 31:10

Amu Moses nug haknunab anak nai imu mattom. “Maɗ eblaih aɗit ele awebeb, amuam lonnu hippalakppanu uhuqaknu maɗ amu, maɗ amu malatte haenppa, haen amuppa ag Pehppa Dayaknu Hobul hekkulag; amu haen amuppa,

1 King 8:2

Aria, ag nai amu doona, ag kalam ebqak eblaih aɗit, kalam amunu ag Etanim atteb amu, kalam amuppa Peh Dayaknu hobul haenppa ag oh King Solomon gumidna uɗin qagmeppig.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

1 King 12:32

Jeroboam nug ele qagmak gamag ahak elenu deɗ laa tituanom. Nug kalam ebqak eblaih ewam ele, kalam amunu deɗ 15ppa, nug qagmak gamag ahak ele amunu deɗ tituanom. Amuam Juda dilag qagmak gamag ahak elenu deɗ, amubia. Deɗ amu haenppa king nug Betel appa qaɗabppa mana mettak heum. Mana mettak amuam nug Betel appa heum, amge nug makau gaiɗ aɗit golppa hak oh dilahnu doɗ manatta matattom. Nug Betel appa mana mettak amu ha, nug mana mettak danab ag kayak hambuppuak dilag mettid lag nakok, nug babaittom ele, ag amu gumadkkulagnu appa ele baɗ mattom.

Esekiel 45:25

Aria, kalam eblaih aɗitppa, deɗ 15ppa hobul laa ele daakku. Hobul amu ele am deɗ eblaih aɗit ele daakku. Hobul amuppa danab okkai nug Pasowanu Hobulppa hette bia, nug mana mettak danab ag main, da Kayak, da meɗaglagnu doɗ keeke ag madakku. Ag keeke amuppa ib etta hipunin haknu ofa, manaknu ofa, ee aegnu ofa ele hekkulag. Aria, nug goɗen Pasowanu Hobulppa madatte, amubia hobul amunu ele madakku.” Yawe Nug anam atte.