Lewitikas 23:24 - Nobonob Baibel

²⁴ “Na Israel danab ah nai imu appe doyeg!” awa aum. ⌊Nug anam a amu, Moses nug inam ag amelagppa aum.⌋ “Kalam ebqak eblaih aɗit ele, kalam amunu deɗ digmakppa, ag hik aoglagnu daatte. Deɗ amuppa ag uɗat hekkulagnu ii daatte. Ag uɗin, Kayak noobppa qagmena dup nona Nug binag mekkulagnu daatte. Amuam Trampet Iwalaknu Hobul dayak haen aakku. Trampet huana iwaleb, ag qagmekkulag.

Lewitikas 23:24 Referans Kwoze

1 Tesalonaika 4:16

Aɗinu? Haen amuppa danab ah ag haknunab laa anaknu ewak, engel okkainu ewak, amu Kayaknu trampet ele gayak doobppeg, Naɗi Nug hab aabppanu neeb, danab ag Kristusnu oolagppa genab dooppig ele amu, ag tatam eɗun hippaidkkulag.

Lewitikas 25:9

Maɗ 49 ukkeb, dimppa Eheɗ haknu nob nau tiigppa iitta meeb elele medakkunu deɗ okkai, amuam kalam ebqak eblaih aɗit ele, kalam amunu deɗ 10ppa, maɗ 50 ooppa, maɗ amuppa, deɗ amuppa ag trampet wan amu ohppa huana iwaladkkulag.

Sam 98:6

Ele amu, ag Yawe onig okkai mettaglagnu amu, ag trampet iwaladna, ag trampet ele iwaleg! Ag Yawe, Nug king, ag Nug noobppa gamag ahak naɗi doon, ag Nug binag mekkulagnu baalag okkaippa eig!

2 Stori 5:13

Laa ahi edappig, laa trampet iwalak heppig amu, ag baag laippu hak bia henana, ag Yawe binag mekkulagnu, ag Nug amegppa, “Ena heme,” akkulagnu, ag ahi ettanna, trampet iwalppig. Danab ag trampet laa iwalppig, laa simbal heppig, laa ag musik haknu keeke laala heppig ele amu, ag oh laippu hena, ag baalag okkaippa Yawe binag meppig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte. Ag anam heeg, lombig na he, Yawenu mettid lag ambak dayom.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Esra 3:6

Ag kalam eblaih aɗit elenu deɗ digmakppa digmena, Yawenu qaɗabppa manaknu ofa hena, Yawe medappig. Ag Yawenu mettid lagnu men ukku digmena ii meppig, amge ag mana mettak haen amuppa digmen heppig.

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

Lewitikas 23:23

Amu Yawe Nug Moses amegppa aum.

Nehemaia 8:2

Ag anam appig amunu, kalam ebqak eblaih aɗit ele, kalam amunu deɗ digmakppa amu, mana mettak danab Esra nug ɗonu buk amu awa uɗia, danab, ah, nid ag nakok okkai mak, nai doon diig dooglagnu elele daappig, ag ele oh noolagppa hibaitta dayom.

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.