Lewitikas 23:21 - Nobonob Baibel

²¹ Deɗ laippu amuppa amu, ag uɗat ahilag oh ag hanhan hetteb amu, ⌊mana mettak danab ag,⌋ ag amu uun, ii hemananu appeg, ag Yawe noobppa qagmena dup nona Nug binag mekkulagoitte. Ɗo imuam ahilag hanhannu daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:21 Referans Kwoze

Lewitikas 23:2

“Na Israel danab ah nai imu appe doyeg!” awa aum. ⌊Yawe Nug anam a amu, Moses nug ag amelagppa inam aum.⌋ “Hobul dayaknu haen epeɗiak laala daatteb, amu ⌊mana mettak danab ag appeg,⌋ haen amuppa, ag oh geha Yawe noobppa qagmena, dup nona binag mekkulagoitte.

Namba 18:23

Lewi buɗubppan mana mettak danab iitta, ag am dahil mettid haknu peh lag danab ah appa qagmetteb ele, ag amuppa uɗat henana, ag ɗo laa tippalkkulag dayeb, ag eheɗ aakku hena bu aoglag. Buɗub buɗub doobob, ɗo imuam nug alet anam hanhan daakku. Lewi buɗub ag amu, ag Israel oolagppa wan laa, ag aulag daakkunu ii aomna.

Lewitikas 23:14

Ag ee aeg bau aon, aib bret, o ee meu manak, o ee meu bau lappig. Ag tatam aon manan, ahilag Kayak mettona, lakkulag. Ɗo imu ahilagnu hanhan daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:4

Yawenu sabat am anam daatte. Aria, amu ele tuɗittak am hobul dayaknu haen epeɗiak daatteb. Haen amuam ele ag Yawe noobppa qagmena, dup nona, Nug binag mekkulagnu haen. Anam ha dayaknu amu, ag maɗ anen anen ohppa haen epeɗiak eleleppa, ⌊mana mettak danab ag appeg, ag⌋ hekkulag.

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Lewitikas 23:7

Hobul amunu deɗ digmakppa amu, danab ah ag ahilag uɗat ag hanhan hetteb ele uuna, ag Yawe noobppa qagmena dup nona Nug binag mekkulagoitte.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 23:20

Mana mettak danab nug sipsip gaiɗ aɗit, am bret kunum, amuam ee tatam oɗutteppanu hak amu, nug amu ele awa, Yawe noobppa huma epponitta mettaknu ofa hekku. Amuam ofa Kayaknu tituanak daatte, amu mana mettak danab dilag daakku.

Lewitikas 23:25

Ag deɗ amuppa uɗat ag hanhan hetteb amu, ag iinab hekkulagoitte. Iitta! Ag doɗ Yawe mettaknu aab aɗunu ofanu aon, Yawe gumidna wana, mettaglagoitte.

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Lewitikas 23:31

Ag uɗat ii hekkulagoitte! Ɗo imuam ahilagnu hanhannu daatte. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.