Lewitikas 23:17 - Nobonob Baibel

¹⁷ Amu hekkulagnu amu, ag daattebppanu bret kunum aɗit diiatna, mana mettak danab toppa wappeg, nug awa, Yawe noobppa huma epponitta mettaknu ofa hekku. Amuam mana mettak Yawenu hak daakku. Bret kunum aɗit anen anen, amuam 2 kilogram plaua enanag, yis ele kabolia manak daakkuoitte. Bret amuam maɗ anen anenppa, ahilag ee tatam oɗutte manan, Yawe mettaglagnu ofa aakku.

Lewitikas 23:17 Referans Kwoze

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Namba 28:26

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Haen ag ee bau digmena aonna amu, ag Ee Tatam Oɗue Digma Awaknu Hobul henana, ag Yawe noobppa qagmena dup nona Nug binag meig! Uɗat ag hanhan hetteb am aib heppig. Ag dad ahilagppanu ee bau aona, ee aeg baunu ofa hena, ag aon, Yawe gumidna wana, Nug mettaglag.

Lewitikas 7:13

Haen nug laippu dayaknu ofa ha, Yawe amegppa, ‘Ena heme,’ akkunu hette amu, nug bret yis ele kaboliak, amu ele awa, Yawe gumitta wana, Nug medakkuoitte.

Eksodas 34:26

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig,” awa aum.

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Eksodas 23:19

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

Matyu 13:33

Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.

Namba 15:17

Amu Yawe Moses amegppa aum.

Lewitikas 2:12

Ag ee tatam oɗutte haenppa amu, ag yis, uppuh leppu ele aon dona, Yawe mettaglagnu oolag heeb am mettaglag, amge ag mana mettak laa, Yawe Nug mana mettak amunu muttuɗignu ooppa ena dookkunu, ag ee aegnu ofa manan, Yawe mettaglag amu, ag yis, o uppuh leppu amuppa iinab memana; ag qaɗabppa yis, o uppuh leppu iinab maiglagoitte.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 22:29

Ag keeke ebappeg, da heppi, meu okku amu, ag keeke ebappignu meu, wain, olip goɗen ele amu, ag amunu maha ofa daakkunu da meɗaglagnu aib uuppig. Ag uug doon, oolag uug ele da nakok nakokib meɗaglagnu am aib. Ag oo gamag ahak ele, elele meɗaglagnu meɗeg! ⌊Pasowa ebqak 1 haenppa da ag amelagppa amibia amu,⌋ buɗub buɗub doobob, ag ahilkad nid danab tatamnu da meɗeg!

Lewitikas 23:18

Bret amu ele ouqak amu, ag sipsip gaiɗ eblaih aɗit ele maɗ laippu awak ele, beɗulagppa eheɗ laa iitta ele amu, makau gaiɗ laippu, amu sipsip dawai aɗit ele diin, Yawe gumidna wana, Nug mettaglag. Amuam Yawenu manaknu ofa aakku. Ee aegnu ofa, amu wain gokkaɗaknu ofa ele amu, Yawe Nug ag haen anen anenppa manan mettaglagnu aum amu, ag amu ele heig! Mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Nehemaia 10:37

Laa amu ig ee aeg bau ganuɗe, kalu nette, ee aeg ofanu ee aeg, ad meu digdig, wain bau, olip goɗen ele ig aottem ooppan laa am aot, Kayak laug, amuppa keeke amu ee bakkalenu maknu oo daattebppa amu, ig aguppa mekkunig. Ig amu hetata, ig aɗi ee dattanu keeke aottem, amunu obatak eblaih tanig ele ooppanu obatak laippu ig aot, Lewi buɗubppan mana mettak danab iitta, ig ag mattagnig. Ig aab atten attenppa daat, ihinig uɗat heutut, Lewi buɗub ag keeke amu aoglagnu daatteb amu, diig amunu ig ag appa mattagnig.

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

Namba 18:13

Wanppan ee tatam oɗutte oh ag da, Yawe, ag da meɗatteb amu, amu oh am nahip, na begapad dilag eleib. Aun aɗi ag laulkadppanu, ag da ele ouqak daagnignu elele daatteb amu, ag amu lakkulag.