Lewitikas 23:14 - Nobonob Baibel

¹⁴ Ag ee aeg bau aon, aib bret, o ee meu manak, o ee meu bau lappig. Ag tatam aon manan, ahilag Kayak mettona, lakkulag. Ɗo imu ahilagnu hanhan daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:14 Referans Kwoze

Eksodas 34:26

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig,” awa aum.

Nehemaia 9:14

Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Duteronomi 16:12

Ag anukka Isip appa begbeg maɗi nid daappig dabmettanna, aakku ag ɗo imu oh tutukku dim lamitteg!

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Sam 19:8

Yawenu oo yaak nai ɗo bia oh am tutukkunab; amuppa danab ah ag oo gamag ahak aotteb. Ao, Yawenu ɗo oh am amahlak ele; amuppa danab ah ag aɗi kobol, aɗi keeke am tutukku amu, ag anidtteb.

Lewitikas 2:14

Ag ee tatam oɗutte, ag amunu ee aegnu ofa henana, ag maha laa Yawenu manan medatteb amu, ag ee aeg amu aab aɗuppa manana, ganuɗaknu keekeppa heppeg ganuɗeb, huppu huppu neeb, akkan anamib dokkulagoitte!

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Lewitikas 23:31

Ag uɗat ii hekkulagoitte! Ɗo imuam ahilagnu hanhannu daatte. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:41

Am ag deɗ eblaih aɗit ele amu, maɗ anen anen ohppa Yawe dabmenana, qagmak gamag ahak ele hena daaglagoitte. Ɗo imuam ahilagnu hanhannu daatte. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte. Ag kalam eblaih aɗitppa Yawe dabmena, qagmak gamag ahak ele hekkulag.