Lewitikas 22:8 - Nobonob Baibel

⁸ Mana mettak danab ag doɗ akka mauhppigte, o doɗ laa, doɗ dakkuɗ laa ag aqadna tuqatteg neppig amu, ag amu iinab lamana. Ag lakkulag amu, ag am Kayak ele ouqa dayaknu elele iitta daaglag. Da am Yawe.

Lewitikas 22:8 Referans Kwoze

Lewitikas 17:15

Am nai keeke haknunab daatte imu am, Israel, wan laihnu danab ele, ahilag ohnu aakku daatte. Aun nug doɗ nug nukka mauhom, o nug doɗ layag laate qe mauhom, amu lakku dayeb amu, nug lamen nuhig ihalatta, le ele laakkuoitte. Amu nug aakku Kayak ele ouqa dayaknu elele iitta dayeb ukkeb, tueb meeb batakku. Amu dimppa nug am Kayaknu neekkakppa dubuttid iitta daakku.

Eksodas 22:31

Ag danab ah dahilad ag, ag dahilnu, oppiaawak ele daaglagnu daatteb. Ag huu laa bia iitta amunu, ag doɗ laa, doɗ dakkuɗ laa aha qe mauhom, ag doɗ amu aib lappig. Ag aon, qai madappeg laig!

Esekiel 44:31

Amu aite o doɗtai, nukka mauhom, o doɗ laa qe mauhom niitte amu, mana mettak danab ag teppu amu ii lamana.” Yawe Nug anam atte.

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Lewitikas 7:24

Ag doɗ mauhak niieye anttak, o doɗ dakkuɗ ag doɗ laa aqaeg mauhppig ele amu, ag amu ittalkad aon, amuppa keeke laa hekkulagnu elele, amge ag iinab lamana.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Eksodas 22:30

Ag makau dawai, amu sipsip dawai tatamnu ele anamib meɗeg! Makau nag dawai, o sipsip nag dawai nug anig ele deɗ eblaih aɗit ele daapeɗ, aria deɗ eblaih ewamppa amu, ag aon qena, main meɗeg!