Lewitikas 22:31 - Nobonob Baibel

³¹ Da am Yawe amunu, ag dahil ɗo ag dim lamidkkulagnunab daatteb, ag genab tutukku dim lamidkkulagoitte.

Lewitikas 22:31 Referans Kwoze

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Namba 15:40

Ag muɗi hatti naunau amu lamen ahilkadppa koitattona amu, ag geha nuhig ɗo oh dabmena dim lamidnana, ag Kayaknu tituana mettak daaglag,” awa aum.

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 22:30

Ag doɗ mana, Yawe mettak amu hena, laih manan, Nug medatteb, ag deɗ amuppaib maha ahilag lakkulag. Ag aib laih laa uuppeg dayeb ukkeb, wagɗeb, deɗ amuppa laa lappig. Da am Yawe.

Lewitikas 22:32

Ag aib heppeg, da onil oppiaawak ele laa dilag neekkakppa nauhak dayom. Da am oppiaawak daattem amunu, Israel danab ah ag dahilnu, ‘Keeke hamu,’ ii doomna. Amuam da, da Yawe, da hei, ag dahilnu, oppiaawak ele daatteb.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.