Lewitikas 22:21 - Nobonob Baibel

²¹ Amu haen laa nug nai genab ana qakkaknu ofa hekkunu, o nug ɗo hamu mettaknu ofa hekkunu laippu dayaknu ofa hekku amu, nug makau, o sipsip, o meeme, nug doɗ amuppa hekku. Amu Yawe Nug mana mettak amunu ena doya aokkunu, doɗ amuam beɗuppa eheɗ laa iitta ele daakkuoitte.

Lewitikas 22:21 Referans Kwoze

Namba 15:8

Ag makau gaiɗ laappa Yawenu manaknu ofa hekkulagtai, o iitta ag makau amuppa nai genab ana qakkaknu ofa hekkulagtai, o iitta ag laippu dayaknu ofa hekkulagtai.

Namba 15:3

ag anen anen deɗ laala aab aɗunu ofa henana, Yawe mettaglagnu doɗ aon, Nug gumidna wana, Nug mettaglag. Ag mana mettak hena, doɗ maippeppeg, muttuɗig teebeb, Yawe Nug mana mettak amunu muttuɗignu ooppa ena dookku. Doɗ laala amu makau, laala amu sipsip, o iitta meeme. Mana mettak amuam manaknu ofa, o iitta mana mettak laala daaglag. Mana mettak amuam nai genab ana qakkaknu ofatai, o iitta mana mettak amuam ɗo hamu mettaknu ofatai, o iitta mana mettak amuam hobul dayaknu haen epeɗiaknu ofatai. Amge ag aɗi mana mettak aon, Yawe gumidna wana mettaglag amu, auntai laa nug anam hette amu, nug ee aegnu ofa ele awa, Yawe gumitta ukka medakku. Mana mettak amu haknu am 1 kilogram plaua enanag, 1 lita goɗen ele kabolia, mana Kayak medakku.

Lewitikas 3:6

Am laa nug laippu dayaknu ofa hekkunu haaha, nug sipsip, o meeme awa dotte dayeb, nug sipsip o meeme dawai laa, o, sipsip o meeme anig laa awa, mana mettak ha, Yawe medakku. Amu nug Yawenu doɗ awa dotte amu, nug laa beɗuppa eheɗ laa iitta ele amu awa dokkuoitte.

Lewitikas 3:1

Am laa nug laippu dayaknu ofa hekkunu haaha, nug makau awa dotte dayeb, nug makau dawai laa, o makau anig laa awa, mana mettak hekku. Amu nug doɗ awa, Yawe gumitta doa, nug medatte amu, nug laa beɗuppa eheɗ laa iitta ele awa dokku.

Prowerb 7:14

“Gemu da laippu dayaknu ofa hein malen, da teppu laa mana mettak amuppanu awe uɗien, uppa uma lakka memi daatte. ⌊Doppe goɗa laɗu!⌋ Ge, gemu da Kayak amegppa keeke genabnab hekkulnu nai ain qakken, keeke medakkulnu ami amu, gemu da dahil nai amu aakku hein malami.

Sam 50:14

⌊Ag hamu doɗ main, Kayak aib medappig. Iitta!⌋ Ag ena heme anaknu ofa hena, Kayak metteg! Ao, ag aɗi keeke Kayak Attannab Laa Oh Eɗattak Nug mettaglagnu ag ahilag nai ɠagattag qettan appig ele amu, ag nai amu dim lamidna, anam heig!

Genesis 28:20

Jakop nug keeke amu oh hewowa, nug genabnab hekkunu nai anan qakka, nug inam mattiom. “Kayak Nug genab da lamenppa, ee lanakppa, ukkakppa ele atognoiɗa omaiɗebeb,

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Lewitikas 22:22

Amge ag doɗ laa, ameg nau ele, o guittak laa awom ele, o beɗuppa teppu huma tak laa ele, o beɗuppa ihi ele, o beɗuppa ihi gon ele, ag doɗ amubia aon gona, qaɗabppa, Yawe mettaknu aab aɗunu ofa daakkunu iinab hemana.