Lewitikas 21:13 - Nobonob Baibel

¹³ Mana mettak ikki danab nug am ah, danab laa ele ii niipiɗ, nug wau daakkunu aokkuoitte.

Lewitikas 21:13 Referans Kwoze

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

Esekiel 44:22

Mana mettak danab ag ah laa, gamu lamittom, o mana mettak danab iitta laa mauhe, wau hamu daatte ele amu, ag ah amu ii aomna. Iitta. Mana mettak danab ag Israel buɗubppan ah danab laa ele ii niipiɗ, o mana mettak danab laa mauhe, wau hamu daatte, ag ah amu aakkuib diiglag.

Lewitikas 21:7

Am mana mettak danab ag ib baag ah laa, ah amu nug nuhig hak amuppa amu dahil neekkakppa nug ooppa dubuttid teum daatte ele, amu ag ah amu ii aoglagoitte. Ag ah laa, nuhig ewau matulak awak otaɗak ele amu, ag nug ele ii aoglagoitte. Amunu diig am, mana mettak danab ag Kayaknu oppiaawak ele daatteb.

Lewitikas 21:12

Mana mettak ikki danab nug mauhaknu keeke laala hekkunu, nug Kayaknu mettid haknu peh lag iinab uuitta gokkuoitte. Nug heeb, Kayaknu lag dubuttid tekku iinab hekkuoitte. Aɗinu? Danab laittaknu goɗen amu mana mettak ikki danab igippa gokkaɗe no, laitta mala he, nug aakku amuppa nug dahilnu tituana mettak daatte. Da am Yawe.

Lewitikas 21:14

Nug ah gamu mauhe, qab daatte, ah nuhig ewau matulak awak otaɗak ele, o ah nug ib baag oiyak ah, ib baag ah nug nuhig kobol amuppa nug dahil neekkakppa nug ooppa dubuttid teum daatte amu, nug ah anam ele am ii aoma. Mana mettak ikki danab nug Israel danab ah, nug amuppanu ah laa, danab laa ele ii niipiɗ aokkuoitte.