Lewitikas 20:4 - Nobonob Baibel4 Amu ag Israel danab ah ag nid Molek mettak amu anidna, ag hamu bia doonna, nid amu mameg ii qekkulag dayeb amu, Gade chapit la |
Aria, propet nug king amegppa aum. “Yawe Nug inam atte. ‘Da am Yawe, da attem. Danab laa, da nuhignu nug dahilnuib, dahil pelemppa daakkunu dabmak aoi ɠagattag eppom daatte amu, na he, nug ukkom amunu, nug ouppa na mauhkkut, nahipad danab ah ag am nuhikkud danab ah oulkadppa, ag ele maukkulag,’ ” awa aum.
Ag anam heppig amunu, Israel ag kekeɗ ahilkad, ag amu dilagnu oolna gotteb. Amunu ahilkad kekeɗ ag eɗadtteb. Aɗinu? Keeke dahilnuib dahil pelemppa daatte ag oolagppa daatte amunu, gemu Israel, ag ele ag dahilnuib dahil pelemppa daatteb. Anam amu, ag keeke nauhkkunu dahilnuib dahil pelemppa daatte, keeke amu ag oolagppa daatte amu, ag heppeg ii nauhkku dayeb, da tuɗitten ag ele ii daamta.
Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.
Da nuhignu eheɗ hekkulnu doyeye dayen, da heppi, nug Israel oolagppan geɗittak daakku. Aɗinu? Nug nid nuhikkud Molek mettom amunu, da anam hekkul. Nug amu ha, nug aakku he, dahil neekkakppa dahil mettid haknu peh lag dubuttid teum daatte; nug ele he, da onil oppiaawak ele laa dilag neekkakppa nauhom daatte.