Lewitikas 20:23 - Nobonob Baibel

²³ Am ag danab ah ag gemu wan amuppa daatteb ele, da heppi, ag Israel ag danab amu lamadkkulag. Ag kobol nau, da oolppa uuaknab doottem ele heppig amunu, da ag geɗadmi. Anam amunu, ag ahilag kobol am aib dim lamidna heppig.

Lewitikas 20:23 Referans Kwoze

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Lewitikas 18:24

Ib imu ohppa danab ah Kanan wanppa daatteb ele ag heegeg, dahil neekkakppa ag oolagppa dubuttid teum daatte. Amu diig amunu da heppi, ag Israel, ag danab amu lamadkkulag. Amunu ag Israel, ag kobol wan amuppan danab ag hetteb ele heppeg, da ahilagnu da dahil neekkakppa ag oolagppa dubuttid teum daatte anidpanu, ag kobol amu aibnab heppig.

Lewitikas 18:30

Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

Lewitikas 18:3

Amunu wan ag daattappigppa ele, Isip, danab ah appanu bia, o Kanan wan da ag madattem amu, ag appanu bia ele aib heppig. Ag danab ah appanu bia ii daaglagoitte.

Lewitikas 18:27

Am danab ah, wan da ag appanu diie gottem ele, amuppanu ag kobol dahil neekkakppa dubuttid ele heegeg, dahil neekkakppa ag oolagppa dubuttid teum daatte amunu, dahil neekkakppa wan amuppa dubuttid tak okkai ele daatte.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Lewitikas 18:25

Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Lewitikas 18:2

“Na Israel danab ah da aɗi attem imu appe doyeg!” awa aum. ⌊Nug anam a amu, Moses nug Yawe oɗe awa, ag amelagppa inam aum.⌋ “Da am Yawe, ahilag Kayak.