Lewitikas 20:11 - Nobonob Baibel

¹¹ Am laa nug mameg wau ele beɗuppa wanak hekkulah dayeb amu, nug mameg hunu qelo bia hekku; danab ah ele ag aa aqatppeg mauhkkulahoitte. Am aa beɗulahppa ag aqatppeg mauhkkulah.

Lewitikas 20:11 Referans Kwoze

Duteronomi 27:23

Appeg, Lewi buɗub ag inam akkulag. “Aun laa nug nome ele gappai aottep, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 27:20

Appeg, Lewi buɗub ag inam akkulag. “Laa nug mameg wau ele gappai aoglah, nug eheɗ laa awaknu anak waappa dayaɗ! Aɗinu? Nug anam hekku dayeb amu, nug mameg hunu qette bia hette,” akkulag. Appeg, danab ah oh ag, “Genab, anam dayaɗ!” akkulag.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

Amos 2:7

Israel ag daɗek danab ah dilagnu keeke hamunab, gappud bia doon, uug nau madatteb. Ge, ag laa ag danab okkai eppelagppa eheɗ hattak aotteb ele, ag amu dilag hettoɗiak abenppa nai doya mala hettoɗia epeɗia elele mettak kobol ii dim lamidtteb. Israel laa, nug bekka ele aa oh nid ahin laippu ele oitteb; kobol amuppa ag da onil, oppiaawak daatte, ag heeg, da onil laa dilag neekkakppa hamu bia daatte.

Duteronomi 22:30

Danab nug mameg wau ele gappai ii aomya. Nug anam hekku amu, nug mameg hunu qelo bia hekku. Nug amu ii hema.

Lewitikas 18:6

“Ag aib laa tiilag laippuppan ele beɗuppa wanak heppig. Da Yawe, da iikku attem.