Lewitikas 19:5 - Nobonob Baibel

⁵ Haen ag laippu dayaknu ofa henana, ag doɗ manan, da Yawe, da meɗaglag amu, da mana mettak amunu ena doyen aokkulnu, ag amelagppa attem hekkulagnu ami bia, ag heig!.

Lewitikas 19:5 Referans Kwoze

Lewitikas 22:29

Haen ag ena heme anaknu ofa laa Yawenu hena, ag mana mettak amuam pehettan managlagoitte. Ag anam hekkulag dayeb, Kayak Nug mana mettak amunu ena doya aokku.

Lewitikas 7:16

Amge aun laa nug nai genab ana qakkaknu ofa hekkunu, o laa ɗo hamu mettaknu ofa hekkunu doɗ awa watte amu, doɗ teppu amu, deɗ amuppa lanaknu; amge laih laa daakku dayeb, wagɗeb deɗ amuppa lanaknu elele.

Lewitikas 22:19

Yawe Nug manaknu ofa amunu ena doya aokkunu nug doɗ dawai beɗuppa eheɗ laa iitta eleppa awa, Yawe gumitta ukka, Nug medakkuoitte. Amuam makau dawaite, o sipsip dawaite, o meeme dawaite mana mettaknu daatte. Am doɗ anam bia laa iitta dayeb amu, Nug ena ii doya, ii aoma.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Esekiel 46:12

Amu haen Israel dilag okkai nug ɗo hamu mettaknu ofa hekku, amuam manaknu ofatai, o iitta, laippu dayaknu ofatai amu, haen amuppa ag od kaɗag uɗitteppanu daatte, ag od amu matulppeg, nug amuppa uɗikku. Sabatppa nug hanhan manaknu ofa, o laippu dayaknu ofa hette amu, haen imunu am ele anamib. Nug anam da meɗa mala, nug eɗua ukkeb amu, haen amuppa ag eɗun, od amu maiglag. Matulak dayebeb, tueb meeb maiglagnu amu, ag ii hemana.

Esekiel 46:2

Amu Israel dilag okkai nug Israel danab dilag haɗap-ppa ukka, mana mettak danab dilag haɗapnu aɗppa od oɗe, od laug ele kaɗag uɗitteppanu daatte, lag amuam oo onig Entrans Oo, oo amuppa tekku. Nug aguppa ta, od oɗeppa dayebeb, mana mettak danab ag manaknu ofa nuhig, laippu dayaknu ofa nuhig ele aakku main, da Naɗi Yawe, da meɗaglag. Manan malappeg, Israel dilag okkai nug od amuppa dayaya, da noolppa dup noa binal meɗowa, nug eɗua, Israel danab dilag haɗap-ppa gokku, amge ag od amu paha ii maimna. Iitta. Matulak dayeb ukkeb, tueb meeb, ag maiglag.

2 Stori 31:2

Amu Hesekaia nug mana mettak danab, amu Lewi buɗubppan mana mettak danab iitta, nug ag ele ag ahilag uɗat atten atten dayom amu, nug obatak obatak anam otiattom. Ag ahilag uɗat am manaknu ofa hekkulagnu, ag laippu dayaknu ofa hekkulagnu, ag danab ah Kayaknu ehanittak mattaglagnu uɗat hekkulagnu, ag Yawe amegppa, “Ena heme,” akkulagnu, ag Yawenu mettid lagnu aɗ odppa daan, Nug binag mekkulagnu ahi ettaglagnu daappig.

Lewitikas 22:23

Am makau okkai ebehi ele dawaite, o sipsipte, am baeg elab o tutu, nug eɗittak daatte, o nug okkai elele ii mak amu, doɗ amubia amu, laa nug ena heme anaknu ofa hekkunu, nug doɗ amu awa, mana, Yawe medakkunu elele. Amge laa nug nai genab ana qakkaknu ofa doɗ amubiappa ii hekkuoitte.

Lewitikas 22:21

Amu haen laa nug nai genab ana qakkaknu ofa hekkunu, o nug ɗo hamu mettaknu ofa hekkunu laippu dayaknu ofa hekku amu, nug makau, o sipsip, o meeme, nug doɗ amuppa hekku. Amu Yawe Nug mana mettak amunu ena doya aokkunu, doɗ amuam beɗuppa eheɗ laa iitta ele daakkuoitte.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Lewitikas 19:4

Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Lewitikas 19:6

Ag deɗ mana mettak amu hetteb, deɗ amuppaib, o deɗ amu uueb, wagkkaɗeb deɗ amuppa lakkulagoitte. Amge ag deɗ ewam amuppa amu, keeke laa big daatte dayeb, ag manadppeg eoglagoitte.

Lewitikas 7:18

Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku.