Lewitikas 19:37 - Nobonob Baibel

³⁷ Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 19:37 Referans Kwoze

Duteronomi 8:1

Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Lewitikas 19:36

Ahilag skel, nuhig uug doyaknu keeke ele am tutukkunab daakkuoitte. Ahilag keeke inaknu teɗu, keeke qaɗaiettak, o leppu mettak melemel haknu, ag amu tutukkunab hekkulagoitte. Da am Yawe, ahilag Kayak. Da ag Isipnu diie, omalatti uɗippig.

Lewitikas 20:1

Amu Yawe Nug Moses amegppa aum.

Lewitikas 22:31

Da am Yawe amunu, ag dahil ɗo ag dim lamidkkulagnunab daatteb, ag genab tutukku dim lamidkkulagoitte.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

2 King 17:37

Ag dahil haknunab nai, dahil ɗo iɗu iɗu oh ele, nai da ye ag mattami amu, ag amu dim lamidkkulagoitte. Ag kayak hambuppuak noolagppa aib dup nona binalag meppig.