Lewitikas 19:36 - Nobonob Baibel

³⁶ Ahilag skel, nuhig uug doyaknu keeke ele am tutukkunab daakkuoitte. Ahilag keeke inaknu teɗu, keeke qaɗaiettak, o leppu mettak melemel haknu, ag amu tutukkunab hekkulagoitte. Da am Yawe, ahilag Kayak. Da ag Isipnu diie, omalatti uɗippig.

Lewitikas 19:36 Referans Kwoze

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Prowerb 20:10

Uug doyaknu keeke skelppa uɗat mattak pehettak iitta, aria elab doyaknu melemel pehettak iitta; keeke aɗit amu ohnu Yawe Nug ooppa uuaknab dootte.

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

1 Stori 23:29

Ag amu oh hekkulagnu daanna, ag bret mettid anen anen oh balalppa maknu uɗat guman, ee aegnu ofanu plaua daakkunu uɗat guman, bisket teppu iitta, yis iitta uɗat ele gumappig. Ag keeke amu oh plaua gane, goɗen gane, amu oh bappaidna, kabolia, manaknu uɗat ele guman hekkulagnu daappig.

Esekiel 45:10

Amu Nug atte. “Ag skel tutukkuib uɗat hette, tappiɗ obatak tutukkuib ele aakkuib uɗat metteg! Skel keekenu uug elele ii ippunadtte, o tappiɗ nuhig obatak am tutu o okkai ippunadtte amu, ag amubia aon, uɗat aib medappig.

Maika 6:11

Danab nug skel tutukku iittappa daden mekkunu uɗat nuhig hette ele amu, da danab amu hettoɗiakppa, ‘Na eheɗ laa ii heme,’ akkulte? Ao, danab nug daden mak abenppa keeke laanu uug doyaknu keeke tutukku iittappa daden mekkunu uɗat nuhig hette ele amu, da danab amu hettoɗien, ‘Na nau ii heme,’ akkulte? ⌊Iittanab!⌋

Sekaraia 5:6

Nug anam a, da attan neekki te, da engel amegppa ami. “Amu aɗi?” ain oɗ mettami. Oɗ mettai, nug aum. “Kaleg amuam wit, o bali, o rais keeke, aeg nuhig uug gane doyaknu kaleg, amu amuppa wan imuppan hipunin oh inak daatteb,” awa aum.

Lewitikas 11:45

Aɗinu? Da am Yawe. Da ag ahilag Kayak daakkulnu, da ag Isip wanppan diiyi, ippa uɗippig. Da am oppiaawak daattem amunu, ag dahilnu, oppiaawak ele daaglagoitte,’ awa aum.

Prowerb 16:11

Keekenu uug anidkkunu skel pehettak am Yawe eppegppanu uɗitte; uug doyaknu keeke skelppa uɗat mattak oh battamppa inak daatteb amu, Nug keeke amu oh babaittom.