Lewitikas 19:34 - Nobonob Baibel

³⁴ Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Lewitikas 19:34 Referans Kwoze

Duteronomi 10:19

Ag Israel, ag anukka Isip wanppa, ag wan laihnu danab ah daadppig amunu, ag ele wan laihnu danab dilagnu oolag mauhaɗ!

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Matyu 5:43

Amu ag anukka nai laa ele aoppig amu ag nai amu dootteb. Nai amuam inam. ‘Na layapnu oot mauhkku, amge na kekeɗ nahipnu, na ootppa nau ninig ele doye!’ aon appig.

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Namba 10:32

Doppe, ig ele gotu! Yawe Nug keeke ena ena oh ig megakku amu, ig na ele oh amu aognig,” awa aum.

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Duteronomi 23:8

Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.

Esekiel 47:22

Wan amuam ahilag, ag aulag daakkunu anam paniglag. Wan amuam Israel dilag, ag aulag anam daakku, amu wan laihnu danab, ag uɗin, ag oolagppa daanna, nid menuadppig ele amu, ag aulag ele daakku. Ag Israel ag danab ah amu dilagnu, ‘Ag ig ele am laippu,’ dooglag. Ag Israel ag wan laa ahilag, ag aulag daakkunu panin aoglag, danab ah amu ele, ag wan laa, ag aulag daakkunu, ag Israel oolagppa panippeg aweg!