Lewitikas 19:32 - Nobonob Baibel

³² Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Lewitikas 19:32 Referans Kwoze

1 Timoti 5:1

Na danab kaino aib aidme. Iitta. Na mamen dabmak maɗettaknu nai bodoettak mattiak biappa appe doyaɗ! Nid bau amu na amapad dilag doottem amubia ehanatte!

Gayak Nai 5:12

Ag king bekkod eppelagppa aihadna; ag Juda dilag ikki danab dilagnu ele ena elele ii dootteb.

Prowerb 16:31

Umimi bak am king haɗ enanagnab, king onig medatte, amubia danab, o ah onig medatte; bau dayak elab amubia amu, amuam genab tutukku hak ibuppanu nob ena.

Prowerb 20:29

Nid bau ag ahilag ɠagattagppa binalag aotteb; danab kaino ag ikkilag umimi bakppa amu aotteb.

Job 32:6

Nug oo nauhom amunu, nug, nug am Barakel bekka Elihu, nug Bus buɗubppan danab, nug aha aum. “Da am nid bau, ag am kaino amunu, da baɗe, da aɗi keeke laala doottem ele am appi dooglagnu elele ii doomi.

Job 32:4

Danab ewam, Job laikkud amu, ag nai mattiegeg, Elihu dayom, amge nug am nid bau, danab ewam amu ag am danab maɗ ahilag am nuhig eɗittom amunu, Elihu nug paha Job amegppa nai ii mattiom. Danab ewam amu madippeg doya, dimppa nai madikkun dabmaama, amelag meum.

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!

Aisaia 3:5

Am danab anen anen ag lailkad dilagnu oo doyak iinab doomna. Iitta! Danab laa nug layag gai-iitta ele, nug nuhigppa eheɗ hekku. Danab laa am danab laa ele nug qekkulag. Ao, ag anen anen ag lailkad, mudippan laippu, eheɗ hattaglag. Nid bau ag danab kaino dilagnu, ag am binalag ele ii doona, ag oɗelag ii dim lamidmana. Amu danab laa ag dabmak nau beɗulagppa ambak ele, ag am danab dabmak ena ele, ag amu dilagnu ag binalag ele ii doona, aon aon aqaglag.

Lewitikas 19:14

Am ag laa nug daug ituak ele, ag nug eheɗ laa awaknu anak waappa daakkunu aib appig. Ag aib laa nug ameg gaɗuak ele, nug noobppa keeke taataɗ qedakkunu meppig. Ag aib amu heppig, amge ag ahilag Kayaknu ebehilag oh bodoetta le maɗ! Da am Yawe.

1 King 2:19

Aria, Batseba nug anam awowa, nug ukka, King Solomon antta, oɗ metteb, nug Abisak awa, Adonaiya medakkunu ukkom. Ukke, King Solomon nug Batseba uɗieye antta, nug aha, ukka uɗa ta, nug noobppa dup noa, gomelom. Nug anam hewowa, nug eɗua sia kingppa dayaya, nug maɗi nid he gona, sia king laa aon dona, Solomonnu sia king gukkuittak, nug eppeg naɗiap-ppa meeg, amu Batseba nug sia amuppa dayom.

Genesis 31:35

Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

2 King 17:36

Ag Israel, ag amu ii hemana. Iitta. Ag da, Yawe, da dahil ɠagattag naɗippa, da ebehilppa da ag omalatti, ag Isip uun uɗippig amu, ag da noolppaib dup nona binal meɗaglag. Ag da noolppaib gatelag qaun ob, dup nokkulag. Ag doɗ manadna, daib meɗaglag.

Prowerb 23:22

Na mamen nug bau dayak mettom ele, na nuhig nai doye! Ao, na anin nug kaino meeb amu, na nuhignu ena iinab doyak aib doome!

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.