Lewitikas 19:31 - Nobonob Baibel

³¹ Ag mauhak ele gamag danab, mauhak ele mattiak danab ele gumadna goppeg, ag heppeg, dahil neekkakppa ag oolagppa dubuttid tak ele daaglag amunu, ag aib gumadna goppig. Da am Yawe, ahilag Kayak.

Lewitikas 19:31 Referans Kwoze

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Lewitikas 20:27

Am ag danab o ah laa, nug mauhak ele gamag danab daatte, o nug mauhak ele mattiak danab daatte ele amu, ag menppa qeppeg mauhkkuoitte. Am laa ag amu hetteb, ag beɗulagppa, ag aqappeg mauhkkulag,” awa aum.

2 Stori 33:6

Manase nug amu ha, nug oolnu noak onig Hinom Bekkanu Oolnu Noak appa nug bekkod manatta, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum Yawe noobppa haaha, amuppa nug he, Yawe Nug oo huana nauhom.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

2 King 21:6

Manase nug amu ha, nug bekka mana, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum amu Yawe noobppa haaha, amuppa nug he, Yawe Nug oo huana nauhom.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

1 Samuel 28:3

Haen matu Samuel mauhe, Israel ag nuhignu qanana, appag diigppa Rama boumppig. ⌊Amge haen Samuel ii mauhom dayeye,⌋ Saul nug he, mauhak ele gamag danab, amu mauhak ele mattiak danab ag Israel wanppa ii daappig.

Aisaia 47:13

Ag Babilon danab ah, ag ge iitta gonana, eman hak danab, ag hoɗoppai anadnana, aɗi aɗi haknu am ena dabmetteb ele amu, ag ag aɗi aɗi heppeg bekkunu ulum nai appig doon, ag bahilag yom, amge ag ii uuppig. Ukkakib goppig amunu, gemu danab amu, ag hanhan hoɗoppai anadnana, ag kalam anen anenppa ag Babilon danab ah ag aɗi hekkulagnu appig amu, ag ahan ehanatteg! Ag ahan, keeke bekkunu daatte amu, uug naunab amu bemanu ehanadppeg aib beum!

Aisaia 29:4

Da heppi, ahilag kekeɗ ag anam heppeg, ag Jerusalem danab ah ag nena qena, uug naunab nau doon, ag danab nug wanppa niiaya, nai danab uma dayaya nai maditte bia mattiglag. Ao, ag ahilag mattiak baag am danab nug gappud teppu eleppa niiaya, nai miagib iitta maditte, ag amubia nai mattiglag. Ag baalag am dottog laa baag bia daakku. Ao, ag gappudppa appa nai otiptippa mattiglag.” Yawe Nug anam atte.

Eksodas 22:18

Ah nug eman kobol hette ele, ag nug qeppeg mauhaɗ!

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

2 King 17:17

Ag bekkalkad, aɗelkad ele aqadna, kayak hambuppuak dilag mana mettak henana, eman hak danab ele eman henana, emaɗ kobol ele heppig. Israel ag kobol eheɗib ahilag ɠagattag ohppa hekkulagnu dabmenan oinna, ag Yawenu neekkakppa eheɗ nau heppig. Amu Yawe Nug ahilag kobol nau amu antta, ahilagnu oo huana nauhom.

Aposel 8:11

Ag anam ana, nuhig nai amu dim lamidkkulagnu am hik aqom. Aɗinu? Haen elabnab nug nukka nuhig baɗ mak kobolppa, nug kobol laala he anidnana, ag dabmak kuɗum aoppig.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

2 King 23:24

Josaia nug danab ag danab mauhak ele gamag danab, mauhak ele mattiak danab amu, nug ag lamattom. Laa amu, nug kayak hambuppuak dottolkad danab ag laulkadppa maatteg daatteb, amu kayak hambuppuak dottolkad danab ag laulkadppa maatteg daatteb laala oh akke ukkom. Amu ohnu amu, Yawe nug ooppa uuaknab dootte, am Josaia nug amu oh Jerusalem appa, am Juda wan ohppa ele he ii daappig. Aɗinu? Nug Kayaknu ɗo nai oh, ɗo nai bukppa dayom, mana mettak danab Hilkaia nug buk amu Yawenu mettid lagppa anttom amu, nug ɗo amu oh dim lamidkkunu oo dayom.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.