Lewitikas 19:29 - Nobonob Baibel

²⁹ Na aib heppe, aɗen nug ib baag ah laa beum. Na anam hekkut dayeb amu, nuhignu dubuttid teum, Kayak Nug ooppa uuaknab dootte. Ag anam hekkulag dayeb amu, wan da ag madattemppa, appa gappai digdig, hak nau ele ambak daakku.

Lewitikas 19:29 Referans Kwoze

1 Korint 6:15

Ag beɗulag anen anen, am Kristus beɗu laih naunau kuɗum daatteb, ag amu iite dootteb? Aria, ig beɗunig anen anen am Kristus beɗu laih naunau kuɗum daatteb amunu, da Kristus beɗu laih nakok laa awen, ib baag ah ele laippu ouaqatkkul am enatai? Anam iittanab! Da anam ii hepa!

Lewitikas 21:7

Am mana mettak danab ag ib baag ah laa, ah amu nug nuhig hak amuppa amu dahil neekkakppa nug ooppa dubuttid teum daatte ele, amu ag ah amu ii aoglagoitte. Ag ah laa, nuhig ewau matulak awak otaɗak ele amu, ag nug ele ii aoglagoitte. Amunu diig am, mana mettak danab ag Kayaknu oppiaawak ele daatteb.

Lewitikas 19:28

Ag mauhppig dilag mahinna daanna amu, ag aib gaɗalag otaɗppig. Ag aib gaɗalkad penpen aqappig. Da am Yawe.

Lewitikas 21:9

Am mana mettak danab laa aɗeg nug ib baag ah ba, gappai awawa oikku dayeb amu, amuppa nug dahil neekkakppa nug ooppa dubuttid teum daatte, am nug aakku mameg uɗa nak nau guittak ele medatte. Ag nug maippeg mauhkkuoitte.

Duteronomi 22:21

kobol anamppa, ikki danab ag ah amu aon gona, mameg laug odppa meppeg, danab ah aab amuppan ag nug menppa oppeg mauhkkuoitte. Aɗinu? Ah amu nug kobol nau, uɗa nak guittak ele Israel ooppa heum. Nug mameg laugppa dayaya, danab laa ele niipiɗ. Kobol nau ag oolagppa daamanu, ag heppeg, aib dayom!