Lewitikas 19:27 - Nobonob Baibel

²⁷ Am ag aib ikkilkad uɗug ikkilkad heqo laihppa digmena otaɗppeg, uɗalag dim lamittak ukkeb, ikkilag heqo laih batak wab, amu ag akkaɗilkad ele laih laih aib hoippig.

Lewitikas 19:27 Referans Kwoze

Duteronomi 14:1

Ag am Yawe, ahilag Kayak, ag nuhikkud danab ah daatteb. Am laa nug mauheb amu, ag beɗulag aib otaɗna, o ikkilag uɗug laa hetteb bia laih laih aib hoippig.

Lewitikas 21:5

Haen danab o ah laa nug mauheb amu, mana mettak danab ag ikkilag uɗug ii hoippeg goma, akkaɗilag daug daug ele ii hoimna, o beɗulag ele ii oppatkkulagoitte.

Esekiel 44:20

Mana mettak danab ag ikkilag uɗug oh hoippeg, tutunab aib meum. Ag ele ikkilag uɗug uuppeg, elab aib dayom. Ag ikkilag uɗug hanhan elele otaɗppeg, eleleib dayaɗ!

Jeremaia 48:37

Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Lewitikas 19:28

Ag mauhppig dilag mahinna daanna amu, ag aib gaɗalag otaɗppig. Ag aib gaɗalkad penpen aqappig. Da am Yawe.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

1 Stori 19:4

Amon dilag anuqak danab ag anam aeg, Hanun he, laa danab Dawit maatte goppig amu aɗualadna, akkaɗilkad hoina, ahilkad lamen ele gamagppa, ag bitolagppa otaɗadna heeg, ag eɗun goppig.

Jeremaia 9:25

Amu Yawe Nug atte. “Isip danab, Juda danab, Edom danab, Amon danab, Moap danab, amu laa ag atu taɗak uma daatte, ag appa daatteb, ag oh gaɗa otaɗak dim lamidtteb. Ag kobol amu ag beɗulagppa hetteb, amge ag gaɗalagppaib anam da dim lamiɗtteb. Ag oolagppa ele da ii dim lamiɗtteb. Israel danab ah oh ele anamib; ag da oolagppanab ele ii dim lamiɗtteb. Anam amunu qinob, haen adekkuppa, da danab ah oh ag gaɗalagppaib da dim lamiɗtteb, ag da oolagppanab ele da ii dim lamiɗtteb amu, da ag bu madakkul.” Yawe Nug anam awa atte.