Lewitikas 19:26 - Nobonob Baibel

²⁶ Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Lewitikas 19:26 Referans Kwoze

2 King 17:17

Ag bekkalkad, aɗelkad ele aqadna, kayak hambuppuak dilag mana mettak henana, eman hak danab ele eman henana, emaɗ kobol ele heppig. Israel ag kobol eheɗib ahilag ɠagattag ohppa hekkulagnu dabmenan oinna, ag Yawenu neekkakppa eheɗ nau heppig. Amu Yawe Nug ahilag kobol nau amu antta, ahilagnu oo huana nauhom.

2 Stori 33:6

Manase nug amu ha, nug oolnu noak onig Hinom Bekkanu Oolnu Noak appa nug bekkod manatta, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum Yawe noobppa haaha, amuppa nug he, Yawe Nug oo huana nauhom.

2 King 21:6

Manase nug amu ha, nug bekka mana, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum amu Yawe noobppa haaha, amuppa nug he, Yawe Nug oo huana nauhom.

Duteronomi 12:23

Amge bauklel am tiigppa daatte amunu, ag aib tiig lappig. Ag teppu tiig ele ii lakkulagoitte.

Lewitikas 7:26

Ag adeppa adeppa daatteb ele amu, appa ag ai tiilag, o doɗ tiilag iinab lakkulagoitte.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Jeremaia 10:2

Yawe Nug inam awa atte. “Ag wan laala dilag kobol aib anidna dim lamidppig. At habppa beegeg, wan laappan danab ah ag anidna, eheɗ nau baɗatteb amu, ag Israel, ag amubia aib heppig.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Daniel 2:10

King nug ag amelagppa anam a, danab amu ag king amegppa nob mena appig. “Wanppan danab laa nug na attem bia hekkunu elele iitta. Ig am nahipad baɗ mak danab, emaɗ danab, doyak danab ele daattem, amge na ig tul niiak nahip eɗut, na tul niin aɗi anidme apput dookkutnu attem am king laa, nuhig ɠagattag am attem bia dayeye, nug nuhig danab, ig bia, nug ag na attem bia hekkulagnu ii aum.

1 Samuel 15:23

Aɗinu? Kayaknu nai tappe naknu am hipunin nau; eman hak bia. Beɗuppa tak kobol am ele hipunin nau; kayak hambuppuak dottolkad danab ag laulkadppa maatteg daatteb noolkadppa dup noa binag mak bia. Na Yawenu nai dim lamidkkutnu uume amunu, Nug king dayaknu ehah na eppenppa, na buɗunad eppelagppa ele daakkunu uutte,” awa aum.

Eksodas 8:7

Aron nug anam heum, amge Isip dilag baɗ mak danab ag ele baɗ ahilag heeg, og kuɗum le uun bena, Isip wanppa goppig.

Eksodas 7:11

Paro nug amu antta amu, nug nuhikkud doyak danab, emaɗ hak danab, ele onilagppa e uɗippig. E uɗina, Isipnu baɗ mak danab amu, ag baɗ mak kobol ahilag hena, ag ele kobol amu heppig.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Genesis 9:4

amge ag doɗ teppu tiig ele, bau am tiigppa daatte amu, ag amu lakkulagnu elele iitta.

Genesis 44:5

Aɗinu ag dahil okkainu kap silwappa heppig yab aoppig? Dahil okkai nug kap amuppa le lanana, eman uɗat nuhig amuppa ele hette amu, ag iite dootteb? Ag nau heppig,’ aon a!” awa aum.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Duteronomi 12:16

Ii lanaknu daatte amu tiig aakkuib. Ag tiig amu le bia gokkaɗppeg wanppa ukkaɗ!

Duteronomi 15:23

Amge ag tiig amu aib lappig. Tiig am, ag le bia wanppa gokkaɗppeg ukkaɗ!

1 Samuel 14:32

Ag beɗulag gai-iitta me, enug eheɗ ele aqom amunu, ⌊deɗ amu male, ag Saulnu nai ɠagattag, nuhig haen am aakku iitta me,⌋ Israel daup ag dabmak pehettak iitta eleppa sipsip, makau okkai, makau nakok ele kekeɗ dilagppa diippig amu, ag amu diin aqana, mauhnoak wanppa tuqan, teppu tiig ele lappig.

1 Samuel 14:33

Ag anam heegeg, laa ag Saul amegppa appig. “Antte! Danab ag teppu umu tiig ele latteb amunu, amuppa ag Yawenu ɗo tippalna, hipunin hetteb,” aon appig. Ag anam aeg, Saul nug nai amu doya, nug aum. “Ag genab Kayak nai dim lamidkkulagnu aakku uuppig!” awa aum. Nug anam anana amu, nug nai tuɗitta aum. “Ag paha men okkai laa duttunppeg, itoɗia teebeb, duttunppeg itoɗia neebeb uɗiaɗ!” awa aum.