Lewitikas 19:23 - Nobonob Baibel

²³ Am ag wan amuppa nona, ag ad meu otteb ele digdig appa eppaladppeg, meu obeppeg, digmak maɗ ewam amuam uuadppeg, ad ag akka daanna, meulkad onanaib dayeg! Ag aib lappig.

Lewitikas 19:23 Referans Kwoze

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Lewitikas 22:27

“Am haen makau dawaite, o sipsipte, o meemete nag laa, bau menuak dokku amu, nug deɗ eblaih aɗit ele anam anig ele oh daaglahoitte. Am deɗ eblaih ewamppa digma ukkak amu, Yawe mettaknu aab aɗunu ofa daakkunu elele.

Jeremaia 6:10

Yawe Nug anam a, da, Jeremaia, da ami. “Da aun amegppa Kayaknu nau aomnanu dabmettak nai appi dookku? Aun nug daug huma dookku. Ag nai dooglagnu uuppig amunu, ag dooglagnu elele iitta. Yawenu nainu amu, ag oolagppa uuaknab dootteb. Ag Yawe nainu gamag ahak nakok laa ii dootteb.

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Lewitikas 12:3

Deɗ eblaih ewamppa amu, nid nug gaɗa otaɗak daakkuoitte.

Eksodas 6:12

Yawe Nug anam aum amge, Moses nug Yawe nai aum amu eɗua nob ma inam aum. “Israel ag da nai attem amu, ag ii doon dab-ii-metteb. Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Eksodas 6:30

Yawe Nug Moses amegppa anam aum, amge Moses nug Yawe amegppa inam aum. “Antte! Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Lewitikas 19:22

Am mana mettak danab nug sipsip dawai amu eheɗ haknu ofa Yawe noobppa ha, amuppa nug heeb, danab amunu eheɗ haknu nob nau tiigppa iitta mekkunu elele medakku. Amu Yawe Nug danab amunu hipunin uhuqa medakku.

Lewitikas 19:24

Am maɗ waɗeleppa amu, ad meu amu oh Yawenu tituanak daakku. Am danab nug Yawe keeke enanag ha mette, gamag ahak doya, doɗ mana Yawe medatte, am amubia daakku.

Lewitikas 23:14

Ag ee aeg bau aon, aib bret, o ee meu manak, o ee meu bau lappig. Ag tatam aon manan, ahilag Kayak mettona, lakkulag. Ɗo imu ahilagnu hanhan daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.