Lewitikas 19:18 - Nobonob Baibel

¹⁸ Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Lewitikas 19:18 Referans Kwoze

Rom 13:9

Ɗo imu oh, “Na ewau aib pakkuna gappai heme; na danab aib qeppe mauhom; na yab aib heme; na layapnu keeke aib amen qeeb aolomnab dabmak eheɗ aome,” ele, ɗo amu, amu ɗo laala ele daatteb, amu oh dilag ikki tamaniak, ɗo okkai laippu daatte am inam. “Na nakka nahipnu oot mauhtte, amubia na laipad dilagnu oot mauhaɗ!”

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

Jems 2:8

Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.

Matyu 19:19

Na mamen, anin ele binalah mate! Na nakka nahipnu oot mauhtte, amubia na laipad dilagnu ele oot mauhaɗ!” awa aum.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Kolosi 3:8

amge ag Jesus ele bau hippaidppig, ag kobol amu oh uuppig amunu, ag gemu oo nauhak kobol, oppoɗi be ameg kokoɗ eppak kobol, oo aeg bak kobol, baeg qak kobol, amu nai nau mattiak kobol ele, ag kobol amu oh ele agappeg ukkeg!

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

1 Pita 2:1

Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

Hibru 10:30

Aɗinu am anam daakku? Ig Kayak Nug inam aum doottem. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul,” awa aum. Amu Nug nai inam ele aum. “Naɗi Nug nuhikkud danab ah epeɗiadkku,” awa aum.

Matyu 19:16

Aria, danab laa Jesus gumitta uɗia aum. “Ippunittak danab, da aɗi keeke ena heina da bauklel hanhannu aokkul?” awa aum.

Rom 13:4

Laa nug gumaknu ehah ele nug ele am Kayaknu maɗi nid, ag ehanatteb ena daaglagnu daatte. Amge ag kobol tutukku ii henana amu, ag baɗeg! Ag dootteb, nuhig ɠagattag am keeke hamu iitta. Uɗat amu Kayak Nug mettom amunu, danab ag kobol tutukku ii heppeg, nug nob nau madakkunu daatte.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Sam 103:9

Nug nai elele ha, malatte; tuɗid ii hette. Nuhig oo nauhak amu haen elab ii daatte.

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

1 Jon 4:21

Amu Kayak Nug ɗo iikku ig mekkom. Laa nug Kayaknu oo mauhak dootte amu, nug layagnu ele oo mauhak doyaɗ!

Genesis 4:23

Anam daanna amu, Lamek nug wauuɗ amelahppa aum. “Adah, Silah ele, aa nai dahil doyeɗ! Ao, ah aɗit, aa da, Lamek, aa ah dahilaɗ daattep amu, aa nai dahil doyeɗ! Aɗinu? Danab bau da oiɗa guittak meɗom amunu, da nug makkuɗi mauhom. Ao, nid bau laa guittak da meɗom amunu, da nug makkuɗi mauhom.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Aposel 16:28

amge Pol nug huana ewa aum. “Na nakka aib duut ome! Ig oh iikku daattem,” awa aum.