Lewitikas 19:17 - Nobonob Baibel

¹⁷ Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Lewitikas 19:17 Referans Kwoze

1 Jon 2:9

Aun laa nug, “Da amahlakppa daattem,” awa atte, amge nug layagnu nau ninig ele dootte amu, nug gatatuppa daatte.

Luk 17:3

Am ag akka ahilagnu ele dabmeig! Amu ag awalag o amalag laa nug hipunin heeb amu na nug daug bate! Amu nug oo eɗueb amu, na nuhig hipunin uhuqna mette!

1 Jon 2:11

Am aun laa nug layagnu nau ninig ele dootte amu, nug gatatuppa daatte, gatatuppa ele oitte; nug adeppa gotte amu, nug ii dootte. Gatatu nug ameg qehakkom.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Prowerb 9:8

Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

Taitus 1:13

Nai amuam genab amunu, ag ooppa genab doyak tutukku mettaglagnu, na ag daulag ɠagattag bate!

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

1 Timoti 5:22

Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

1 Korint 5:2

Kobol amu beum daatte amunu ag, “Ig am binanig ele,” akkulagnu genab elele iitta, amge ag anam atteb. Ag uɗa nak doolob am ena. Danab nug kobol amu heum ele amu, ag nug Kristen tamaniak ooppa daamanu geɗidppeg dimittim golo am ena.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

Nehemaia 13:17

Da amu antten, da Juda dilag anuqak danab daulag batami. Da daulag baten, da inam ami. “Ag hetteb imuam kobol nau ag iite dootteb? Aɗinu ag nau anam hetteb? Ag Sabat deɗ am deɗ hamu bia doon hetteb.