Lewitikas 19:16 - Nobonob Baibel

¹⁶ Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

Lewitikas 19:16 Referans Kwoze

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Eksodas 23:7

Danab ag danab laa hettoɗiakppa mekkulagnu henana, ag nai hambuppuak nuhignu madippeg amu, aria ag laa amu, ag aib amu dim lamidna, nai amu ele madippig. Am danab tutukku nug eheɗ laa ii heum dayeb amu, aria ag nug hamu hettoɗiakppa mena, nug aib qeppeg mauhom. Aɗinu? Da ⌊Yawe, da⌋ danab nug beɗuppa aab ele amu, da nug hettoɗidppi, nug padal mekku.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Esekiel 22:9

Jerusalem danab ah, ag oolagppan laa ag doonna hambuppun, laa eheɗ ii heppignu, “Ag eheɗ anam heppig,” anana, ag danab eheɗ ii heppig amu aqaeg mauhtteb. Ag oolagppan laa ag qaukoppan kayak hambuppuak dilag mettid lag nakokppa ee lanan, ag gappai heeb baknu kobol ele hetteb.

Jeremaia 9:4

Yawe Nug atte. “Juda ag lailkad dilagnu dabmeig! Ao, ag baelkadppa dilagnu oolagppa genab aib dooppig! Aɗinu ag anam hekkulag? Ag ohnab ag hambuppuak danab ah daatteb. Ge, ag lailkad oh ag nug onilkad nauhkkunu nai nau atteb.

Jeremaia 6:28

Na epeɗiadna, na inam anidkkut. Ag oh da eheɗ dimeɗan, dahil nai tappaeg nette. Ag oh ahan, laa onilag nauhkkunu nai nau maditteb. Ag oh oɗe dim lamidmananu dabmak ahilag ɠagattag eppom daatte; bras o aen ɠagattag, ɠagattag amubia daatte. Ag oh kobol diig ena iitta uɗig wak ele dim lamidtteb.

Prowerb 11:13

Dimug nai mattiak danab nug layagnu nai nug ii mattilo amu, nug maditte; amge danab, laa ag nuhignu genab elele dooglagnu elele amu, nug layagnu nai bam ele ma takkom, nug nai amu ii mattima.

1 Pita 2:1

Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

Sam 15:3

ag laa dilagnu ag onilag nauhkkunu nai nau ii atteb, ag ahilkad mudippan laippu guittak ii madatteb, ag lailkad dilagnu nai nau ii atteb,

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Taitus 2:3

Amu na ah kaino ag ele danab ah oppiaawak doon oiglagnu ib daatte, amubia ag tutukku oinna, ag baeg qak nai ii mattimnanu, ag wain huana ii lamananu, ag kobol enanu ippunittak ah daaglagnu,

2 Timoti 3:3

Ag tiilag laippu ele dilagnu oo mauhak ii doomna, ag laa dilagnu uhuqa mettak kobol ii hemana. Ag baeg qak nai mattiglag, ag akka ahilag oiyak pehettak atognoak kobol ii hemana, dakkuɗ kobol hena, ag kobol enanu kekeɗ daaglag.

1 Timoti 3:11

Amu ag waalkad ele ag ah danab laa ag ahilagnu ena elele dooglagnu elele daanna, ag baeg qak nai ele aib madippig. Ag tutukku oinna, amu ag hambuppuak kobol laa ele ii hemana.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Duteronomi 27:25

Appeg, Lewi buɗub ag inam akkulag. “Aun laa nug danab beɗuppa aab iitta ele qaknu daden aotte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Job 17:5

Danab laa nug layag eheɗ laa ii heum, amge danab amu nug men doɗo aokkunu layag eheɗ heum akku dayeb, danab amu heum ele amu, nug bekkod ag amelag gaɗuak daakku.

1 Samuel 24:10

Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

Sam 50:20

Na awante o iitta, na amapte, na nuhignu nai nauib hanhan madittem. Ao, na awante, o amapte, anilah laippuppan, na nug onig nauhkkunu na nai nau nuhignu madittem.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Prowerb 10:18

Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.