Lewitikas 19:11 - Nobonob Baibel

¹¹ Ag aib yab heppig. Ag aib nai hambubuppig. Ag aib lailkad dilagppa ameg qakkak kobol heppig.

Lewitikas 19:11 Referans Kwoze

Eksodas 20:15

Na yabhok aib heme.

Kolosi 3:9

Amu ag lailkad aib buppualadppig. Aɗinu? Ag oolag alagnu kobol oh am uuna,

Epesus 4:25

Ag kobol hambuppuak uueg! Ag nai genabib laa amelagppa mattieg! Aɗinu? Ig am beɗu laippunu laih kuɗum daattem.

Sam 101:7

Da laa ag nai hambuppuak maditteb ele, da heppi, ag da laulppa ii daamna. Ao, da heppi, laa nug nai hambubutte ele, nug da ulum nai ii meɗama.

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Duteronomi 5:19

Na yabhok aib heme.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

1 Timoti 1:10

am laa ag ewau pakkun gappai hetteb dilagnu, am laa ag danab danab o ah ah ele gappai hetteb dilagnu, am laa ag danab laa yabhok hippaladna dadennu maadtteb dilagnu, am laa ag nai hambuppuak danab dilagnu, am laa ag hettoɗiakppa hambuppunna, “Genab iikku attem,” aon atteb dilagnu, amu laa ag keeke laala amubia, keeke amu oh am ippunittak nai genab ena elenu kekeɗ daatte, danab ag amu hetteb ele amu, ɗo nug danab amu dilagnu daatte.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Eksodas 22:7

Danab laa nug men doɗo nug layag gumakkun metteb gumebeb, aria yab danab laa nug men doɗo amu yab aweb, dimppa ag yab danab amu mattin anidppeg, yab danab nug men doɗo amu oh nob mekkunu, nug keeke awom bia, nug aɗit amubia mettaɗ!

Eksodas 22:1

“Am laa amu, danab laa nug danab laanu makau okkai ebehi ele, o sipsip yab awa, qeeb mauhkku dayeb, o nug heeb, danab laa daden mekku dayeb amu, aria ag heppeg, nug doɗ amu mameg nug makau okkai ebehi ele yab awomnu nob am makau tanig ele metta, o nug sipsip yab awomnu nob amu, nug sipsip waɗele doɗ mameg mettaɗ!

Eksodas 20:17

Na layap laugnu aib amen qeeb aolomnab dabmak eheɗ aome. Laa amu, na layap wau, o nuhig maɗi nid, o nuhig maɗi ah, o nuhig makau okkai ebehi ele, o nuhig donki, o nuhig keeke laala oh ele amu, na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Lewitikas 19:10

Amu grep meu awaknu ele aakku, grep muɗi eppegppanu ag baelag aɗu eɗun aib tuqappig, grep wanppa nena qeppig ele amu, ag aib aoppig. Grep meu, ee aeg amu ele uuppeg, daɗek dilag, wan laihnu danab ele, ahilagnu dayaɗ! Da am Yawe, ahilag Kayak.

2 Samuel 17:20

Ah amu nug anam he, haen Apsalomnu daup ag uɗin amu, ag ah amu oɗ medappig. “Ahimas, Jonatan ele aa adeppa daattep?” aon oɗ medappig. Oɗ mettaeg, ah amu nug nob ma aum. “Nid aɗit amu aa le nakok umu mataɗya malapiɗ,” awa aum. Anam a, daup ag aa anatkkulagnu mattialatna oippig, amge ag aa ii anatppig. Ag ii anatppig amunu, ag eɗun, Jerusalem goppig.

Prowerb 24:28

Mudippan laippu layap nug keeke eheɗ laa ii heum dayeb, hettoɗiakppa, “Nug eheɗ heum,” aib ame; na aibnab hambuppume.