Lewitikas 18:4 - Nobonob Baibel

⁴ Da am Yawe, ahilag Kayak amunu, ag dahil ɗo iɗu iɗu dabmettan, pehettak dim lamidkkulagoitte.

Lewitikas 18:4 Referans Kwoze

Lewitikas 18:2

“Na Israel danab ah da aɗi attem imu appe doyeg!” awa aum. ⌊Nug anam a amu, Moses nug Yawe oɗe awa, ag amelagppa inam aum.⌋ “Da am Yawe, ahilag Kayak.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Lewitikas 20:22

Ag dahil ɗo iɗu iɗu oh dabmettan dim lamitteg! Ag anam ii hekkulag amu, da geha, wan ag omalatte gottem ele, da amuppan heppi, danab nug bahe ba gotte, amubia ag wan amu uun gokkulag.

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 18:26

Ag dahil ɗo iɗu iɗu dim lamidkkulagoitte. Ag kobol laala, da kobol amunu oolppa uuaknab doottem ele amu, ag amu ii hemananu daaglagoitte. Imuam, ag Israel danab, amu wan laihnu danab, ag uɗin, ag oolagppa daatteb ele, am ahilag ohnu aakku daatte.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.