Lewitikas 18:28 - Nobonob Baibel

²⁸ Am ag Israel, ag kobol dubuttid ele hekkulag amu, amuppa ag heppeg, wan dubuttid tak ele daakku, amu da heppi, danab nug bahe ba gotte, amubia ag wan amu uun gokkulag. Danab ah ag geha wan amuppa daatteb ele, ag kobol dubuttid ele anam hetteb amunu, da aakku heppi, ag danab laa keeke bahe ba gotte bia, ag wan amu uun gona, appa ii daamna.” Yawe Nug ɗo amu Moses mettom.

Lewitikas 18:28 Referans Kwoze

Revelesen 3:16

Amge iitta, na dabmak dahil daatte bianab ii henana, gamagmag daattem amunu, da na bu okkai medakkulnu miag doottem.

Lewitikas 20:22

Ag dahil ɗo iɗu iɗu oh dabmettan dim lamitteg! Ag anam ii hekkulag amu, da geha, wan ag omalatte gottem ele, da amuppan heppi, danab nug bahe ba gotte, amubia ag wan amu uun gokkulag.

Lewitikas 18:25

Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Esekiel 36:17

“Danab bekka, deɗ laa Israel ag ahilag wanppa daappig, haen amuppa ag kobol nau digdig, hak nau digdig ele heeg, ahilag wan am dahil neekkakppa dubuttid tak dayom. Kalam aqak tiig am dubuttid ele, amubia da Israel dilag hak haen amuppanu dahil neekkakppa dubuttid ele daye doomi.

Rom 8:22

Amu ig doottem, keeke ohnab Kayak hattom ele, ag daanna, ah nid menukkunu guittak doyaya aeqagatte, ag amubia henan daaegeg uɗie, gemu ele anamib henana daatteb,

Jeremaia 9:19

Aɗinu ag amelag leb anam nekku? Juda danab ag Sion daatteb, ag gaanna akkulag. “Ig aakku padal memut. Ig uɗa nak naunab nau aot oittem. Aɗinu? Kekeɗ ag uɗin, lag ihinkad heeg nauhppig amunu, ig wan imu uut, laih gokkunigoitte,” aon akkulag.

Esekiel 36:13

Amu Naɗi Yawe Nug inam atte. “Danab ah ag, ag qauko ahilagnu, ‘Ag qauko, ag danab lattana, ag ahilkad nid naunau heeg, wan ag daattebppa am nid iitta daatte,’ mattin atteb amunu,

Lewitikas 18:27

Am danab ah, wan da ag appanu diie gottem ele, amuppanu ag kobol dahil neekkakppa dubuttid ele heegeg, dahil neekkakppa ag oolagppa dubuttid teum daatte amunu, dahil neekkakppa wan amuppa dubuttid tak okkai ele daatte.

Lewitikas 18:29

Amu Yawe Nug aum. “Aun laa nug kobol ooppa uuaknab doyak ele, nug amunu laa hekku amu, nug Israel oolagppanu geɗittak daakkuoitte.