Lewitikas 18:25 - Nobonob Baibel

²⁵ Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Lewitikas 18:25 Referans Kwoze

Lewitikas 18:28

Am ag Israel, ag kobol dubuttid ele hekkulag amu, amuppa ag heppeg, wan dubuttid tak ele daakku, amu da heppi, danab nug bahe ba gotte, amubia ag wan amu uun gokkulag. Danab ah ag geha wan amuppa daatteb ele, ag kobol dubuttid ele anam hetteb amunu, da aakku heppi, ag danab laa keeke bahe ba gotte bia, ag wan amu uun gona, appa ii daamna.” Yawe Nug ɗo amu Moses mettom.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Jeremaia 9:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu da ag bu iite madakkul?” Yawe Nug anam awa atte.

Sam 106:38

Ag danab ah eheɗ laa ii heppig ele aqappig. Amuam ag bekkalkad, aɗelkad ele. Ag amu hena diin, Kanannu dottolkad hattak amu, ag manan, kayak hambuppuak amu madappig. Ag amu hekkulagnu aqak heegeg, Kayaknu neekkakppa wan am dubuttid naunab ele dayom. Nug ooppa uuaknab doyom.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Jeremaia 23:2

Yawe, Nug Israel dilag Kayak, Nug anam atte amunu, Nug gumak danab ag danab ah gumadtteb, Nug ag amelagppa inam atte. “Ag danab ah dahilad tutukku dabmattaglagnu daatteb, amge ag anam ii hetteb. Iitta. Ag dahilad sipsip amu, ag lamatteg, ag pitaiettan laih laih gotteb. Ag gumattak uɗat ena ii hetteb amunu, da Yawe, da ahilag eheɗ hak anidmi. Ag kobol nau heppig amunu, nob mekkulnu amu, da ahilag eheɗ hak amu nob elelenab ag madakkul.

Jeremaia 16:18

Juda ag am kayak hambuppuak huanaknab akkan, dahil wanppa meeg, wan amu dahil neekkakppa dubuttid tak ele daatte. Dottolkad amu, ag bau iitta, ag uɗig wak nau ele. Ao, ag heeg, kayak hambuppuak dottolkad dahil wanppa ambak daatteb. Dottolkad amunu amu, da oolppa uuaknab doottem. Juda danab ah ag anam hetteb amunu, da ahilag hak nau, ahilag hipunin ele, da diig amunu da bu elelenab madakkul.” Yawe Nug anam awa atte.

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Jeremaia 5:29

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?” Yawe Nug Nug anam awa atte.

Jeremaia 5:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Duteronomi 18:12

Yawe Nug laa ag anam hetteb ele, Nug ahilagnu ooppa uuaknab dootte. Am wan ag aoglagnu hetteb, appan danab ag anam hetteb amunu, Yawe, ahilag Kayak, Nug heeb, ag Israel ag danab amu lamadkkulag.

Rom 8:22

Amu ig doottem, keeke ohnab Kayak hattom ele, ag daanna, ah nid menukkunu guittak doyaya aeqagatte, ag amubia henan daaegeg uɗie, gemu ele anamib henana daatteb,

Hosea 9:9

Am dahilad danab ah ag kobol diig ena iitta uɗig wak ele anukka Gibea appa danab ah heppig bia hetteb. Kayak Nug nau hak ahilag ii daug atima. Nug genab, geha ahilag hipuninnu bu madakku.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Sam 89:32

da ag bu okkai ag hipunin heppignu madakkul. Ao, ag hipunin heppignu, da bu okkai ag madakkul.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Lewitikas 18:26

Ag dahil ɗo iɗu iɗu dim lamidkkulagoitte. Ag kobol laala, da kobol amunu oolppa uuaknab doottem ele amu, ag amu ii hemananu daaglagoitte. Imuam, ag Israel danab, amu wan laihnu danab, ag uɗin, ag oolagppa daatteb ele, am ahilag ohnu aakku daatte.

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.

1 King 21:26

Ahap nug Amo danab heppig bia, nug kobol uɗig wak naunab ele haaha, kayak hambuppuak binalag maama dim lamattom. Amo danab ah amu ag wan amuppa, ag tatam daappig, amge Yawe Nug he, Israel ag danab amu lamadppig.

Esra 9:11

Ɗo amuam, na nahip propet oɗelagppa mee appig. Ag oɗelagppa na ame. ‘Wan ag tena aon daaglagnu hetteb ele amu, wan amuppan danab ah ag kobol nau digdig hetteb amunu, wan amuppa kobol dubuttid ele huanak daatteb. Wan amu ohppanab danab ah ag kobol da oolppa uuaknab doottem ele hetteb. Kobol amuam wan amuppa ambak daaeg, wan am dubuttid ele daatte.