Lewitikas 18:24 - Nobonob Baibel

²⁴ Ib imu ohppa danab ah Kanan wanppa daatteb ele ag heegeg, dahil neekkakppa ag oolagppa dubuttid teum daatte. Amu diig amunu da heppi, ag Israel, ag danab amu lamadkkulag. Amunu ag Israel, ag kobol wan amuppan danab ag hetteb ele heppeg, da ahilagnu da dahil neekkakppa ag oolagppa dubuttid teum daatte anidpanu, ag kobol amu aibnab heppig.

Lewitikas 18:24 Referans Kwoze

Duteronomi 18:12

Yawe Nug laa ag anam hetteb ele, Nug ahilagnu ooppa uuaknab dootte. Am wan ag aoglagnu hetteb, appan danab ag anam hetteb amunu, Yawe, ahilag Kayak, Nug heeb, ag Israel ag danab amu lamadkkulag.

Lewitikas 18:30

Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

1 Korint 3:17

Danab laa nug Kayaknu mettid lag heeb nauhkku amu, Kayak Nug ele danab amu heeb nauhkku. Aɗinu? Kayaknu mettid lag am nuhignu tituanak daatte, amu ag aakku Kayaknu mettid lag daatteb.

Jeremaia 44:4

Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,

Duteronomi 12:31

Danab ag gemu Kanan wanppa daatteb ele, ag dup nona binag mak kobol ahilkad kayak hambuppuak dilagnu hetteb amu, ag Yawe, ahilag Kayak, kobol ag hetteb ele amubia aibnab Nug noobppa dup nona binag meppig! Aɗinu? Yawe Nug Kanan danab, Nug ahilag kobol amunu nau ninig ele dootte. Ag kayak hambuppuak ahilkad noolagppa dup noa binag mak kobol henana, ag kobol digdig, Yawe Nug kobol amunu ooppa uuaknab dootte, ag amu hetteb. Kobol nau ag hetteb ele amu, amu oolagppan laa naunab daatte, amuam ag bekkalkad aɗelkad ele manadna, ahilkad kayak hambuppuak madatteb.

Lewitikas 18:3

Amunu wan ag daattappigppa ele, Isip, danab ah appanu bia, o Kanan wan da ag madattem amu, ag appanu bia ele aib heppig. Ag danab ah appanu bia ii daaglagoitte.

Genesis 15:16

Na gemu Amo danab oolagppa oittem amu, ag gemu hipunin huana, okkainab ii hetteb amunu, na gemu wan imu aokkutnu elele iitta. Amge dimppa da anidttem, ag hipunin tuɗidppeg, elab bekku. Aria, haen amuppa da hipunin okkainab ahilag amunu heppi, na buɗunad ag wan imu aoglag. Buɗub buɗub doak waɗeleppa, haen amu gamagppa ag eɗun uɗin aoglag,” awa aum.

Namba 35:34

Da, Yawe, da ag Israel danab ah oolagppa daattem amunu, ag wan ag daattebppa, da ele daattemppa, ag wan amu aib heppeg, dahil neekkakppa dubuttid tak ele dayom.” Yawe Nug anam aum.

Duteronomi 9:4

Anam amu, Yawe, ahilag Kayak, Nug heeb, ag Israel ag danab ah amu lamadkkulag amu, dimppa ag akka ahilagnu aib, “Ig am genab tutukku aɗi amunu, Yawe Nug ig wan imu aognignu omaikka uɗia mekkom!” appig. Iitta. Wanppan wan anen anen imunu danab ah ag hak ahilag am nau amunu, Yawe Nug heeb, ag danab amu lamadkkulag.

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Ikki Danab 20:5

Tuqan amuppa Gibea danab laa ag lag i daamuɗ ele, ag lag amu eidna talilidna, ag da iuppeg mauhkkulnu maidppig. Ag da waal amge waalnab iitta aon, wagai mena, nug ele beɗuppa ukkak heeg ukke ukke, nug mauhom.

Ikki Danab 20:6

Amunu da nug gaɗa otaɗe, maha qei, 12 neeg akke, Israel dilag huu okkai anen anen, ag wan ag aulag daakkunu aoppig amu, da anen anen appa pani ukkom. Da anam heminu diig am, danab amu ag Israel oolagppa, gappai heeb baknu kobol, kobol uɗa nak nau guittak ele heppig.

Ikki Danab 20:10

Ig Israel dilag huu okkai anen anen dilagppan danab otiadpput, ag daanna, ban danab dilag ee aon gona mattaglag. Anam haknu amu, ig danab 100 oolagppanu 10 diignig, o danab 1,000 oolagppanu, ig 100 diignig, o danab 10,000 oolagppanu ig 1,000 diignig. Anamppa otiadpput, ag ban danab ee mattaglag. Aria, ban danab ag gona, Gibea, Benyamin wanppanu, ag kobol uɗa nak nau guittak ele Israel oolagppa heppig amu, ag ag amunu nob mattaglagnu daaglag,” aon appig.

2 Stori 33:2

Nug king daya, nug Yawenu neekkakppa eheɗ heum. Nug wan anen anennu danab ah, Yawe he, Israel ag lamadppig ele, nug amu dilag kobol, Yawe Nug kobol amunu ooppa uuaknab dootte amu, nug kobol amu dim lamittom.

Esekiel 36:17

“Danab bekka, deɗ laa Israel ag ahilag wanppa daappig, haen amuppa ag kobol nau digdig, hak nau digdig ele heeg, ahilag wan am dahil neekkakppa dubuttid tak dayom. Kalam aqak tiig am dubuttid ele, amubia da Israel dilag hak haen amuppanu dahil neekkakppa dubuttid ele daye doomi.